الان تسجيل الرغبات للمرحلة الاولي متاح علي موقع التنسيق 💙
ياجماعة ركزوا طالما الموقع فتح ممكن تعملها الوقتى بكره بعده اى وقت طول مالموقع مفتوح مافهاش اى مشكلة
+ مش هتعرف الكليات أخدت من كام اللى لما تكتب رغباتك والموقع يقفل وهتظهر حاجه اسمها نتيجة المرحلة الاولى ساعتها بس هنعرف الكليات خدت من كام فى المرحلة الاولى فقط
للدخول لموقع التنسيق من هنا
https://tansik.egypt.gov.eg/application/
الناس اللى متعرفش الرقم السرى تقدر تجيبة من موقع الغياب دا هتلاقيه موجود
المرحله الاولي :
الشعبه العلميه : 88.41
الشعبه الادبيه : 65.73
شعبة رياضيات : 80.00
نصائح هامة عند كتابة الرغبات 👌
1- حاول على قد ماتقدر تكتب الرغبات كلها 72 أو 75 أو اكتر المهم كلهم
2- فى نظامين هتكتب بهم التنسيق أما كلية عايزها حتى لو فى مكان بعيد فاتكتب الكلية فى نطاق " أ " الأول ثم ب ثم ج ثم باقي المحافظات وبعدين تدخل على الكلية التانية
او انك مش عايز تروح مكان بعيد فاتكتب كل الكليات اللى فى محافظتك الأول ودا علشان انت مش عايز تغترب وكمان مش فى دماغك كلية معينة
لازم تتكلم مع نفسك قبل ماتعمل الخطوه دى
3- اول ماتدخل رقم الجلوس اتاكد من بياناتك كويس ومجموعك
4- اقرا قواعد التوزيع الجغرافي والتوزيع الأقليمى قبل ماتبدا الرغبات
5- حاول تجيب ورقة وتكتب الرغبات وترتبهم مع اهلك فى الورقة الأول وبعدين دخلهم على الموقع
6- مش لازم أول مالموقع يفتح تجري عليها لا دا مش سباق الموضوع محتاج تركيز وبعدين الموقع هيبقى فاتح 3 أيام او اكثر وتقدر خلال 3 أيام تعدل فى رغباتك
7- أوعى رقم جلوسك والرقم السرى بتاعك مع حد غيرك مش مصدر ثقه ولا تنشرهم على فيس بوك وتقول لحد أعملى كذا لان ممكن أوووى اى حد يدخل على الموقع يعدلك الرغبات
8- بعد ماتخلص الرغبات اتاكد أنك كتبتهم كلهم ولو عندك طباعة فى البيت اطبع نسخه منهم مش عندك صورهم بالموبايل أو خد اسكرين هى مالهاش لازمه بس للامان مش أكتر
9- أوعى تمشى وراء زميلك وتكتب زية فى الرغبات لان مجموعك غيره دى مفهاش امشى مع صحبى
10- هقول تانى محدش يبقى معاه الرقم السرى بتاعك ولا الجلوس غيرك وبس