🔺بعد اعلان موعد ظهور نتيجة الثانوية العامة 2021 يتساءل الكثير من طلاب الثانوية العامة عن الأوراق المطلوبة للتقديم في الكليات سواء العلمية مثل " طب - هندسة - صيدلة - علاج طبيعي "
أو أدبية مثل " تربية - آداب - حقوق - تجارة - علوم " وغيرها من الكليات المختلفة
خصوصا بعد ظهور نتيجة تنسيق المرحلة الأولي ولذلك اعددنا لكم هذا المقال ليكون مرشدك في الذهاب للجامعة والتقديم في الكليات المختلفة
♦️الأوراق المطلوبة للتقديم لكليات الثانوية العامة
📍١ - صورة بطاقة الترشيح .
📍٢ - اصل شهادة الثانوية العامة + صورة منها .
📍٣ - اصل شهادة الميلاد + صورة منها .
📍٤ - صورة البطاقة الشخصية .
📍٥ - عدد ٦ صور حديثة مقاس ٤ في ٦ .
📍٦ - استمارة ٢ جند [ للذكور فقط ] .
📍٧ - المصاريف [ تختلف من كلية للتانية ] .
♦️نصائح هامة أثناء التقديم للجامعة 2021
📍1- صور بطاقة الترشيح بعد ما تطبعها حوالي ٥ صور ، لانك هتدخل بيها من بوابة الجامعة وهتبقي ضمن ورق التقديم وهتحتاجها .
📍2- الصور مينفعش تبقي غير مقاس ٤ في ٦ لو روحت بصور صغيرة هترجع بيها ومش هياخدوا ورقك .
📍3- استمارة ٢ جند و ٦ جند بتيجي من منطقة التجنيد اللي انت تابع ليها ، وبعض المدن والمراكز بتجيبها من مديرية الامن ، افضل حاجة تسأل واحد من بلدك اكبر منك وكان في ثانوية وقوله كنت جايبها منين .
📍4- بعض الكليات بتطلب دوسيه بلاستيك مع ورق التقديم ، عشان تحط فيه ورقك .
📍5- التقديم للكليات لسه بدري عليه ، وكل كلية بتعلن مع نفسها انها فتحت باب التقديم ، بس جهز ورقك بدري .
📍6- شهادة الميلاد لو عندك واحدة قديمة ، اتأكد ان فيها رقم ثلاثي تحت كده ، لو مش فيها ، استخرج واحدة تانية غيرها جديدة وهيكون فيها الرقم الثلاثي ده .
📍7- لما تروح تجيب استمارة ٢ جند واستمارة ٦ جند ، هتجيبها بالبطاقة فقط ، وممكن حد يجبهالك عادي .
📍8- مواليد 99 من الذكور مفيش ليك استمارة ٦ جند لان سنك لسه صغير ، ولو روحت تجيبها هيقولك مفيش ليك .
📍9- صورة البطاقة الشخصية مهمة في بعض الكليات فالكل يعملها احتياطي .
تعليقات
إرسال تعليق