★ إيه هو معهد فني مساحة ده وإيه لازمته ؟؟
- المعهد دا حكومي وتابع للتعليم العالي،، بتتخرج منه فني مساحة وشغله متوفر جداً جداً في مصر وبرا مصر،، لأن باختصار.. المساحة تعتبر أساس أي بند في أي مشروع،، وكمان المعهد بيعتبر فرصة كويسة جداً جداً للطالب اللي عاوز يدخل كلية هندسة حكومي وكمان متاح بعد المعهد الإلتحاق بالكليات دي
👈🏻 (تربية عام - تربية نوعية - تعليم صناعي - الكليات التكنولوچية الجديدة - ومعاهد عليا بمصروفات)
★ مدة الدراسة في المعهد كام سنة ؟؟
- سنتين✌🏻
★ المعهد فيه أقسام وتشعيب ولا شعبة عامة ؟؟
- سنة أولي شعبة عامة،، أما سنة تانية بتتخصص،، بتختار ما بين تخصصين (مساحة & ري وصرف) وهتكلم عن كل شعبة بالتفصيل في بوست منفصل،، هتكلم عن مميزات وعيوب كل شعبة،،
★ إي نظام المواد ي هندسة،، وبندرس كام مادة ؟؟
- إنت عندك المعهد سنتين ب4 تيرمات،، كل تيرم بتدرس 8 مواد،، وطبعاً مواد شعبة ري بتختلف تماماً عن مواد شعبة مساحة،، باستثناء بعض مواد مشتركة،، وبرضو هتكلم فيما بعد عن المواد بالتفصيل،، وكمان هنزل ملخصات لمعظم المواد،، وخاصةً شعبة ري (تخصصي بقي☺️)
★ هل بحتاج أجيب مجموع معين في السنتين عشان أقدر أدخل منه هندسة ؟؟
- في سنة اولى مش بتحتاج تجيب مجموع،، مجرد نجاح فقط،، مجموعك في أولي دا لنفسك وممكن تعتبره حافز ليك،، إنما سنة تانية لازم تجيب بتاع 94% فيما فوق
★ بدخل منه على تانية هندسة ؟؟
- لا بتدخل إعدادي هندسة ( أول سنة ) وبتكمل الـ5 سنين عادي،، حوار انك تدخل على تانية ده اتلغى من 2013 ☹️
★ بتوزع منه علي كليات الهندسة في جامعات معينة ؟؟
- لا،، طالما مجموعك جايب الحد الأدني لكليات الهندسة تقدر تدخل أي جامعة بشرط تكون جايب مجموعها بما فيهم بترول وتعدين،، وكمان لو جاتلك الكلية في مكان بعيد ممكن تعمل تقليل إغتراب وتجيلك في أقرب مكان ليك 🛺🚄
★ بدخل منه قسم معين فـ الكلية ولا متاح ليا كل الأقسام؟؟
- بتدخل إعدادي زي أي طالب ثانوي عام،، وبعدها بتتخصص بالتنسيق علي أي قسم زي مانت عاوز،، عادي جداً ☺️🤷🏻♂️
★ المعهد يقبل أي طلبة ؟؟
- يقبل طلبة ثانوي صناعي أقسام إنشاءات معمارية وزخرفة،، والثانوية العامة علمي علوم ورياضة ولا يقبل الأدبي،، ويقبل طلبة الثانوية الأزهرية بشرط قضاء سنة في أي كلية وبعدها يتم التحويل للمعهد
★ الدراسة في المعهد ده إي نظامها ؟؟
- باختصار شديد.. لو انت ذاكرت فيه هتجيب الـFull Mark بكل سهولة ومن غير كلام كتير✌🏻💛
★ يا هندسة أنا مش لاقي إسم معهد مساحة ده في بيان الرغبات ؟؟
- إسم المعهد في بيان الرغبات (ك.ت.فني ري ومساحة ......)
★ المعهد فيه أعمال سنة ؟؟
- ايوة فيه 40% أعمال سنة بالإضافة للعملي،، مهمة جداً جداً ومؤثرة في المجموع النهائي💯
★ أين يوجد معهد المساحة ٭"الحكومي"٭ بالجمهورية؟
- ① المطــرية-القاهــرة. ② أسيــــوط. ③ قنـــــــا.
وهنتكلم بعد كده عن كل معهد ونظام الدراسة والمواد
★ المعهد بيقبل من كام ؟؟
يقبل طلبة الثانوية العامة من ٧٠ لـ ٨٠% تقريباً وطلبة الصنايع من ٧٠ لـ ٨٥% ،، وكله حسب التنسيق،، سنة فوق سنة تحت.
★ بعد ما بخلص دراسة في المعهد بعمل معادلة ولا أدخل كلية هندسة علطول ؟؟
- بتدخل علطول من غير معادلة في حالة إنك تكون جايب مجموعها،، لكن لو مش جايب مجموعها ممكن تعمل معادلة وتدخلها بس منصحكش بالمعادلة،، خاصةً لطالب دبلوم،، لكن طبعاً مفيش مانع من المحاولة
★ المعهد خاص ولا حكومي و مصاريفه كام ؟؟
- المعهد حكومي ومصاريفه حوالي ١٥٠ او ٢٠٠ جنية للسنة💸
★ لو أنا خريج صنايع قديم ممكن أقدم في المعهد ؟؟
- المعهد لا يقبل من مر على حصوله علي شهادة ( الثانوية العامة أو الأزهرية أو الصنايع ) أكتر من سنتين بدون أن يكون منتسب لكلية أو معهد خاص
★ طيب أنا بعد ما أتخرج من المعهد هتطلع الشهادة حاصل علي إي!! وإيه المسمي الوظيفي للمعهد ؟؟
- الدرجة التى يمنحها المعهد هي (دبلوم فنى فوق متوسط).
- المسمى الوظيفي لخريج المعهد هو فني مساحة (مساح).
★ ي هندسة محتاجين نعرف ملامح تنسيق المعهد السنين اللي فاتت ؟؟
- ده تنسيق القبول بالمعهد من 2013 لحد السنة اللي فاتت:-
☆ المطـــــــرية...✨
2013 ☜ 73.83 %
2014 ☜ 81.50 %
2015 ☜ 77.16 %
2016 ☜ 81.07 %
2017 ☜ 78.71 %
2018 ☜ 79.00 %
2019 ☜ 80.29 %
2020 ☜ 80.57 %
☜ أسيــــــــوط...✨
2013 ☜ 70.50 %
2014 ☜ 78.66 %
2015 ☜ 72.66 %
2016 ☜ 77.00 %
2017 ☜ 72.85 %
2018 ☜ 74.14 %
2019 ☜ 75.14 %
2020 ☜ 76.00 %
☜ قنـــــــــــــــا...✨
2013 ☜ 70.33 %
2014 ☜ 78.00 %
2015 ☜ 70.83 %
2016 ☜ 75.29 %
2017 ☜ 70.86 %
2018 ☜ 72.57 %
2019 ☜ 74.00 %
2020 ☜ 74.29 %