المعاش
✍️ ينفع البنت تاخد معاش والدها المتوفي ؟ ايوه
✍️طيب لو كانت موظفه ينفع برضه؟ ايوه
✍️حتي لو كانت متزوجه ؟ لا لازم تكون انسه أو مطلقه او ارمله بس .
✍️طيب الموظفه دي بتاخد مرتب ازاي هتاخد مرتب ومعاش مع بعض ؟ اقول لحضرتك 👇
في الحاله دي بنشوف مرتب الابنه كام ومعاش والدها كام لو كان مرتبها اكبر من معاش والدها مينفعش تاخد المعاش ولو مرتبها يساوي معاش والدها برضه مش هينفع تاخده أما لو مرتبها أقل من معاش والدها هنا هتصرف الفرق بين مرتبها وبين المعاش ..يعني ايه ؟ افهم حضرتك 👇
يعني لو مرتبها مثلا ٥٠٠ جنيه ومعاش والدها ١٠٠٠ جنيه مش هتصرف المعاش كله لكن هتصرف منه ٥٠٠ جنيه بس اللي هو الفرق بين مرتبها ومعاش والدها .
✍️طيب ازاي التأمينات بتعرف المرتب بتاعي ؟ حضرتك لما بتروحي تقدمي علي معاش والدك بتقدمي معاه ورقه اسمها بيان مفردات مرتب بتطلع من محل عملك بيكون مكتوب فيها مرتبك بالكامل .
✍️طيب لو الابنه دي موظفه بتاخد مرتب وفي نفس الوقت ارمله بتاخد معاش زوجها المتوفي ينفع برضه تاخد معاش والدها ؟ ايوه
✍️طب ازاي؟ اقول لحضرتك
هنا لما بتقدم على معاش والدها قولنا أنها بتقدم بيان بمفردات مرتبها وكمان بتقدم بيان بمعاش زوجها المتوفي وبنجمع الاتنين ونشوف لو هما قد معاش والدها أو اكبر منه خلاص مش هتصرف معاش والدها أما لو كانوا أقل منه بتصرف من المعاش الفرق بينهم بس زي ماشرحنا فوق 👆
✍️طيب الارمله اللي كانت بتاخد معاش زوجها المتوفي تزوجت مره اخري واتوقف صرف المعاش بتاع زوجها المتوفي لو اتطلقت من زوجها الأخير ينفع ترجع تاخد معاش زوجها المتوفي ؟ لا للأسف مينفعش ترجع تاخد معاشه تاني .
✍️طيب لو الموظفه دي علي المعاش اصلا وبتاخد معاش من شغلها ينفع تاخد مرتب والدها ؟ ايوه
وبرضه بنعمل زي ماعملنا فوق بنشوف الفرق بين معاشها وبين معاش والدها ونعمل زي ماشرحنا .
✍️طيب المطلقه طلاق رجعي بتستحق معاش والدها؟ لا لازم يكون الطلاق بائن
✍️يعني ايه طلاق بائن؟ يعني سيده زوجها طلقها وانتهت فترة العده دون رجوع فأصبح الطلاق بائن
✍️طيب هنا المطلقه بتصرف المعاش من تاريخ الطلاق ولا من تاريخ انتهاء فترة العده ؟ بتصرف من الشهر التالي لحدوث الطلاق مش من تاريخ انتهاء فترة العده .
✍️طيب لو المطلقه اللي بتاخد معاش والدها وتزوجت مره اخري طبعا هيتوقف صرف المعاش لو اتطلقت من زوجها التاني ينفع ترجع تاخد معاش والدها ؟ ايوه ينفع طبعا
✍️طيب انا سمعت أن المطلقه بالخلع أو بالمحكمه مينفعش تاخد معاش والدها صح الكلام ده ؟ لا طبعا مش صحيح المطلقه بالخلع او بالمحكمه زيها زي المطلقه عند المأذون من حقها تاخد معاش والدها .
✍️طيب ينفع الابنه تجمع بين معاش والدها ومعاش والدتها ؟ ايوه مفيش مشكله خالص وكمان بدون حد أقصي .
✍️طيب نصيب الابنه دي من معاش والدها قد أيه يعني من حقها المعاش كله ولا جزء منه ؟ اقول لحضرتك 👇
لو البنت دي لوحدها مفيش غيرها بتاخد تلتين المعاش ولو كان معاها والدتها اللي هي أرملة صاحب المعاش ومفيش اخوات تاني يبقي البنت هتاخد النص والام النص ولو البنت معاها اخوات تاني مستحقين و الام مش موجوده بيتم تقسيم المعاش بين الاخوات بالتساوي ولو البنت معاها ام واخوات وجد وجده اللي هما والدي صاحب المعاش المتوفي يبقي الام هتاخد التلت والبنت واخواتها هياخدوا النص والجد والجده يشتركوا في السدس .
✍️طيب المطلقه دي بتصرف المعاش من تاريخ تقديم طلب للتأمينات ولا من تاريخ الطلاق ؟ بتصرف من الشهر التالي لوقوع الطلاق
✍️طيب لو المطلقه دي مكانتش تعرف أن ليها حق تصرف معاش والدها وعرفت بعد كده ينفع تقدم ولا خلاص راح عليها ؟
ينفع طبعا وليها الحق تصرف جميع الشهور السابقه كمان وبيسموه المتجمد وده بحد أقصي خمس سنين سابقه فقط يعني بتصرف المعاش بأثر رجعي لحد خمس سنين عدت مره واحده .
منقوووول
سلام عليكم ممكن استفسار لو سمحتم انا ولدى لسه متوفى وكان بالمعاش والدتى كمان بالمعاش وليها معاش خاص بيها الفرق بين المعاشين بسيط جدا معاش أبى أكبر بمبلغ بسيط جدا وانا ليا اخ واحد فقط مفيش بنات ياترى والدتى هتجمع معاش والدى معاها ولا مجرد هيتصرف فقط مصاريف الجنازه فقط . شكرا جزيلا لسيادتكم
إرسال ردحذفإذا الابن وصل سن الستين هل يحق له صرف معاش والده وكم نسبته
إرسال ردحذفالسلام عليكم انا مطلقة من5سنين بس ولدى كان عايش وليا اخ واحد متزوج وف شركة ينفع اقدم معاش ولدى ف شركة الكهربا واصرف ازى مع العلم ان هومتزوج من اخر بس مفيش اطفال
إرسال ردحذف