تأشيرة جورجيا الاونلاين 20 $

 


تأشيرة جورجيا الاونلاين 🇬🇪  


في المقال السابق الي تحدثت علي تاشيرة جورجيا الاستكر وستجد ذلك هنا  اما هذا المقال سنتكلم عن تاشيرة جورجيا الاونلاين والتي يتم استخراجها  بثلاث خطوات فقط  ومثل  ما أنا  كاتب سعرها 20 $ بس 

الخطوات بسيطه جدا جدا كل الي مطلوب 

صورة شخصية وصورة الباسبور  بصيغة Pdf واي كارت فيزا لكي  تدفع 20 $

اول حاجه تدخل  علي الموقع الرسمي ده 


https://www.evisa.gov.ge


وتختار جنسيتك وهيطلب منك تأمين سفر هتقوله انه معاك وبعد التاشيرة متطلع ابقي اعمله علي مهلك وبعد كده هتحدد يوم السفر فيزا جورجيا بتديك ٣٠ يوم جوه جورجيا لما تطلع التاشيرة وصلاحيتها خلال ٤ شهور من يوم اصدار التاشيرة 


هتلاقي صفحه فيها تعليمات هتختار كل المربعات انك موافق علي التعليمات دي كلها وبعدين هتتنقل علي صفحة المعلومات الشخصيه الاسم والايميل ورقم الباسبور وتاريخ الميلاد المهم لازم تكتب بياناتك واسمك زي الي في الباسبور بظبط 

وهترفع صورتك الشخصية والباسبور بس لازم تبقي زي الموصفات المطلوبة بالظبط عشان متترفضش 


بعد كده بيبعتلك علي الايميل لينك الدفع وبتدفع ال ٢٠ دولار وبتنتظر حوال ٥ خمس ايام وبتوصلك التاشيرة علي الايميل الاليكترونية وبكده تقدر تسافر بيها جورجيا 

اما في حالة الرفض بتقدر تقدم تاني علي طول ومفيش استرجاع للمبلغ 


دلوقت في حاجات مهمة لازم تبقي معاك وانت داخل جورجيا ومعاك التاشيرة الاليكترونية 


١- لازم يبقي معاك طيران ذهاب وعودة مؤكد جدا خلال فترة اقامتك في جورجيا ومتعديش المدة المحددة

٢- حجز فندق مؤكد متناسق مع حجز الطيران الي حجزته

٣- تأمين سفر شامل مده السفر الي هتقعدها في جورجيا

٤- اي برنامج سياحي عشان بس تثبت انك داخل سياحة والظابط يقتنع بيك ويتاكد انك فعلا داخل سياحة  


معلومة مهمه :

١-الناس المقيمة في دول الخليج ومعاها اقامة بتقدر تخش جورجيا بالاقامة بتاعت الخليج ولو عربي تترجمها وتبقي معاها الاوراق الي قلت عليها فوق


٢- الناس الي هتسافر من مصر لازم يبقي معاك تصريح امني عشان تسافر من مصر واعتقد التصريح الامني مبيطلعش علي تاشيرة اونلاين بس في ناس قالت ممكن لكن انا مش متاكد منها بس ممكن تسال 


هي دي خطوات تأشيرة جورجيا الاونلاين واي اسئلة اكتبها في كومنت 


تعليقات
تعليق واحد
إرسال تعليق
  • mohammad abou taha
    mohammad abou taha 7/31/2022 5:44 ص

    اريد الهجرة الي جورجيا وأريد الزواج ارجو المساعدة تلفون 0096170103210

    إرسال ردحذف



    وضع القراءة :
    حجم الخط
    +
    16
    -
    تباعد السطور
    +
    2
    -