السلام عليكم انا وزوجتي سافرنا ع تركيا بتاريخ 16.08.2022 ونزلنا بمطار اسطنبول الجديد بالجوازات والجنسية الالمانية
انا دخلت ع تركيا ب 2015 نظامي وطلعت تهريب ع اليونان وبعدين المانيا وصرلنا سبع سنين ب المانيا لما اجينا نختم الجوازات بمطار
اسطنبول ما رضيو يفوتونا واخدونا ع قسم الشرطة يلي بالمطار وعطونا منع دخول سنتين وحطو علينا كودين واحد ç والتاني N
يعني اذن مسبقة قبل السفر وقالولنا لازم نرجع ع المانيا ونروح ع القنصلية ونعمل فيزا وندفع المخالفة وما كانو يرضو انو ندفع بالمطار وكان تعاملن سيئ كتير وضلينا بالمطار خمس ساعات
وبعدين حجزولنا طيارة مجاني ع فرانكفورت وعطو جوازاتنا للطيار وبعدين الطيار عطانا الجوازات ورافقونا لحتى قعدنا ع كرسي الطيارة وكمان بصمونا بصمة عشر اصابع وصورونا تلات صور
انا كنت اقراء ع النت انو في ناس عم ترجع بس قلت رح روح وجرب حظي والحمدلله طلع حظي هيك وهلق قدمت ع موعد بالقنصلية
مشان ادفع المخالفة وطالع فيزا للعلم كان معي اختي وجوزها وكنا واقفين سوا ع الدور وكمان ورا بعض وكان نفس الموظف بيت اختي فاتو وختمولنا وانا وزوجتي ما رضي يفوتنا بحجة انو نحن طالعين من تركيا بشكل غير نظامي
مع انو بيت اختي اجو كمان تهريب نفس وضعنا ونفس حالتنا تمام بس هنن فات. ونحن لاء مابعرف اذا في عالم نازلة اسماءها ع السيستم او لاء او حسب مزاجن بفوتو العالم
حبيت احكيلكن تجربتي ورح احط صور الاوراق يلي عطوني ياها