الاستعلام عن الرقم التأميني والمدة التأمينية

 



 الاستعلام عن الرقم التأميني والمدة التأمينية 

التأمينات الإجتماعية):

كل موظف في الحكومة له رقم تأميني خاص به هو لوحده ، ومن ضمن المشاكل الكبيرة هو نسيان الرقم التأميني ، طيب ازاي أطلع الرقم التأميني وانا في قلب البيت أو وانا قاعد على التليفون . واحفظه في التليفون أو في ورقة خاصة ؟

النهاردة هتكلم في موضوع في منتهى الأهمية خدمة جديدة في موقع التأمينات الإجتماعية

بتتيح لك إنك تعرف رقمك التأمينى (بدون تسجيل على الموقع)



الأهم بقى لأول مرة هتقدر تعرف تستعلم عن مدد الاشتراك في التأمين الإجتماعي والأجور الخاصة بكل مادة وحالتك التأمينية يعني الشركة اللي أنت فيها بتدفع لك تأمينات ولا لأ ولو بتدفع لك عاملة مرتبك كام في التأمينات وإجمالي المدة اللي أتأمن عليك فيها

غير كده هتقدر تتابع بشكل دوري وأنت قاعد على سريرك الشركة بتدفع لك التأمينات ولا لأ

طبعا علشان أوضح  اهمية الموضوع زمايلنا اللي كان متأمن عليهم علشان يعرف حالته التأمينية كان بيلجأ لحل من اتنين الأول هو الإتصال بخدمة العملاء 16217 من الأحد إلى الخميس من الساعة 9 صباحا إلى 8 مساءا أو أنه يروح فرع التأمينات اللي متأمن عليه فيه ويعمل برنت تأمينات



يلا بينا ندخل على المهم

الخطوة الأولى بتدخل على موقع التأمينات الإجتماعية من هنا 

https://www.nosi.gov.eg/ar/Pages/HomePage/Home.aspx

الخطوة التانية بتختار الإستعلام عن الرقم التأميني بتكتب بياناتك الرقم القومي والأسم الأول للوالدة وبتعمل علامة صح قدم أنا لست برنامج روبوت وبتضغط إرسال الطلب

بيظهر لك الأسم واسم العائلة والرقم القومي والرقم التأمينى

بتاخد البيانات دي وبتحفظها عندك بأي طريقة وخصوصا الرقم التأمينى

الخطوة الثالثة هترجع للموقع الرئيسي اللي لينك موجود وهتختار مستخدم جديد من الشمال فوق


الخطوة الرابعة بعد ما تملأ كل البياناتفي صفحة التسجيل ولازم تكون صحيحة خصوصا الإيميل ورقم التليفون لأنه بيتم التأكيد عليهم برسائل قبل الموافقة على تسجيلك  هتعمل صح قدام أنا لست برنامج روبوت وصح قدام أوافق على الشروط والأحكام وهتضغط تسجيل

الخطوة الخامسة هيوصلك إيميل تأكيد من التأمينات الإجتماعية على الإيميل اللي أنت كتبته في التسجيل هتختار الضغط هنا هيدخلك على صفحة تانية فيها أدخل كود التعريف وده بييجي لك رسالة على الموبايل بتكتب الرقم التأكيدي اللي وصلك على الموبايل وبتختار تأكيد الكود

الخطوة السادسة مبروك إتعمل لك حساب بنجاح

الخطوة السابعة هترجع للموقع الرئيسي اللي اللينك بتاعه فوق وتختار من فوق على الشمال تسجيل الدخول

الخطوة الثامنة هتكتب رقم البطاقة والباسورد اللي أنت كتبته في البيانات بتاعة تسجيل الحساب وتضغط تسجيل الدخول

الخطوة التاسعة هترجع للموقع الرئيسي وتدخل على مؤمن عليه وتختار الخدمات التأمينية أو حل أخر هتنزل تحت في خدمات تهمك وتختار الاستعلام عن مدد الاشتراك في التأمين الاجتماعي والاجور الخاصة بكل مدة

الخطوة العاشرة لو مشينا على الحل الأول هتختار برضه الاستعلام عن مدد الاشتراك في التأمين الاجتماعي والاجور الخاصة بكل مدة وتختار بدء الخدمة

الخطوة الحادية عشر هيظهر لك بياناتك وإجمالي المدد اللي أتأمن عليك فيها والشركات اللي أمنت عليك والفترة التأمينة

الخطوة الثانية عشر إنت دلوقتي عايز تعرف الشركة اللي أمنت

عليك حاطة لك مرتب كام (الأجور اللي إتدفع لك تأمينات على أساسها) هتختار علامة i قدام اسم الشركة في الأخر



الخطوة الأخيرة بعد ما تختار علامة i هيظهر لك قائمة الأجور اللي الشركة بتأمن عليك بيها زدوهنا الصدمة هتلاقي في الغالب أجور ضعيفة جداً وأقل من مرتبك بكتير

أتمنى أكون عرضت الموضوع بوضوح والصور مترقمة للخطوات وده هيسهل كتير للمتأمن عليهم متابعة التأمينات

التأمينات الإجتماعية بصراحة عاملين عظمة 😍



الموقع بيساعدك تعرف وضعك التأميني ،، والشركة مأمنة عليك ولا لأ .. وبكام !؟ 

الموضوع عظيم ومفيد

فإليكم الخطوات التالية عشان تعرفو "بالتفاصيل" تأمينكم الإجتماعي...

حضرتك لو معاك رقمك التأميني هتتجاهل الخطوة التالية وتدخل على إللي بعدها...

الخطوة الأولى:

==========



- هتدخل على اللينك ده 

https://nosi.gov.eg/.../querying/getinsureddetails.aspx

- هتحط رقم البطاقة واسم الأم الأول بالعربي وتضغط على "إرسال الطلب"

- هيظهرلك الرقم التأميني وشوية بيانات تانية.

الخطوة التانية:

==========

- هتدخل على اللينك ده 

https://nosi.gov.eg/ar/pages/fba/profile.aspx

- هتنشئ حساب جديد وتأكده وتدخل عليه

- هتدخل على اللينك ده 

https://nosi.gov.eg/.../pages/info/getallperiodsinfo.aspx

- هتلاقي جدول كده جميل فيه كل بيانات مدد التأمين بتاعتك.

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -