يوليو 31, 2021 تغير في صرف الحصص التموينية للأسر حسب عدد الأفراد بداية من الغد

 

ده شرح مبسط وسهل لمن   يفكر في الهجرة بطريقة شرعية وسليمة 

 شرح كيفية الهجرة لكندا، أحدث و أسرع طرق الهجرة لكندا، و هو نظام Express Entry و هو واضح من اسمه، هو نظام هجرة سريع في الاجراءات معمول جديد من 2015، يعني ممكن تخلص كل الاجراءات و تسافر في 6 شهور فقط ، 

علي عكس الطرق السابقة اللي كانت ممكن تاخد سنتين و أكتر، لو قرأت هذا  الموضع   هتقدر تقدم بنفسك بدون الاستعانة بأي مكاتب استشارية، أو التعرض للنصب، الموضوع كله بيتم بشكل الكتروني و مش صعب.

** الخطوة الأولي (معرفة الكود الخاص بمهنتك في قائمة الوظائف الكندية NOC):

كندا عاملة حاجة اسمها NOC أو قائمة الوظائف الوطنية، و هي بتحتوي علي المسمي الوظيفي و المهام الوظيفية لكل وظيفة، هتدخل علي اللينك التالي و تدور علي وظيفتك، عن طريق محرك البحث اللي هتلاقيه في الصفحة، و بعد كده هتحفظ الرقم المقابل لوظيفتك اللي هوة كود الوظيفة، علشان هتحتاجه كتير اثناء الخطوات التالية، القائمة:

http://www.cic.gc.ca/english/immigrate/skilled/noc.asp

 

** الخطوة الثانية (معرفة هل أنت مؤهل للتقديم من عدمه):

و دي اول حاجة انت هتعملها، هتدخل علي اللينك ده:

http://www.cic.gc.ca/ctc-vac/ee-start.asp

هتضغط علي زر Check your eligibility في أسفل الصفحة، وهتجاوب علي الاسئلة اللي هتلاقيها، و هي اسئلة عن محل الاقامة، الدراسة، الخبرة، اللغة، إلخ. و في نهاية الاسئلة هتعرف إنت مؤهل للتقديم و لا لأ، و لو لقيت نفسك مش مؤهل هتعرف ايه نقطة ضعفك 

------------------------

** الخطوة الثالثة (عمل بروفايل أو حساب علي موقع الهجرة):

لو لقيت نفسك مؤهل للتقديم طبقاً للاختبار في الخطوة السابقة، يبقي هتعمل حساب علي موقع الهجرة، عن طريق الذهاب الي الصفحة التالية، و الضغط علي Sign Up هتملي كل البيانات المطلوبة، و تحتفظ بكلمة السر و اسم المستخدم.

و بعد كده هتملي البروفايل الخاص بيك،  المهم هتحتاج الحاجات دي و انت بتملي البروفيل:

1* صورة جواز السفر

2* الكود الخاص بوظيفتك، اللي انا اتكلمت عنه قبل كده

3* شهادة الـ IELTS   (رأيي لم يتغير ان الايلتس والتويفل سبوبة عالمية ليس أكثر وغير معبر باي حال من الأحوال عن مستوى الشخص في الإنجليزي او انه يقدر يعيش في بلد أجنبي انا دخلت الامتحان سبع مرات ومجبتش الاسكور ... ولجأت لشخص شغال في البريتش اقسم بالله ساعدني ومانصب عليا ايلتس حقيقيه فعلا لكن تكلفتها بتتجاوز الالفين دولار وهي دي المشكلة لكن هناك اشخاص حقيقين غير موجودين علي الانترنت ومش بيعملو دعاية لانفسهم وانا اتعملت مع واحد منهم انا وصديقي والان بكندا. انا مش هحط ارقام عشان محدش يقول اني بعمل ليهم اعلان او دعاية بس دي شهادة حق في الموضوع.

4* اثبات التصديق علي شهاداتك الدراسية 

5* واحدة من الحاجات دي:

** عرض عمل من جهة كندية، أو (مش لازم بس لو معاك بيزود فرصتك جداً)

** ترشيح من أحد المقاطعات الكندي، أو (ده نظام كل مقاطعة عاملاه لوحدها، و بيديك نفس الدرجة بتاعة عرض العمل،  و فيما يلي لينك لشروط 

http://www.cic.gc.ca/.../immigrate/provincial/apply-who.asp

و لو معندكش حاجة من الاتنين هتدخل تعمل حساب علي بنك الوظائف الكندي علي اللينك ده، في خلال 30 يوم من عمل البروفايل:

http://www.jobbank.gc.ca/.../seeker.../seeker/login.xhtml

------------------------

** الخطوة الرابعة (الدخول في تجمع المتقدمين Express Entry Pool):

لو انت عملت كل الخطوات اللي فاتت هتدخل بشكل آلي الي تجمع المتقدمين، و التجمع ده بيختارو بيختارو الفئات التالية:

* اللي معاه عرض عمل، أو

* اللي معاه ترشيح من مقاطعة، 

و بيبعتولهم عرض للتقديم للاقامة الدائمة، و لو جالك العرض ده هتدخل علي اللينك ده:

http://www.cic.gc.ca/english/immigrate/skilled/apply-how.asp

و تقدم علي الاقامة الدائمة، و بعدها بـ 6 شهور هتسافر و تبقي مقيم دائم في كندا ثم مواطن كندي. و لو انت معندكش عرض عمل او ترشيح من مقاطعة و ماستلمتش عرض للتقديم للاقامة الدائمة، حاول تطور في البروفايل بتاعك في خلال سنة، و بعدها البروفايل بتنتهي صلاحيته.

أما بخصوص تصديق الشهادات الدراسية فده عبارة عن انك بتبعت شهاداتك الدراسية كلها لجهة اعتماد كندية و بتدفع رسوم تصديق و بعد كده بترجعلك الشهادات مصدقة، و هتلاقي علي اللينك ده كل التفاصيل، و مواقع الجهات المنوطة بالتصديق:

http://www.cic.gc.ca/eng.../immigrate/skilled/assessment.asp

-اتمني اكون وضحت كل حاجه في الموضوع واي حد محتاج مساعدة يتابعنا يوميا على موقعنا وربنا يوفقك الجميع 🙏🙏

Find your NOC - Canada.ca

canada.ca