القائمة الرئيسية

الصفحات

الهجره إلى ولاية تسمانيا الاسترالية

16 أغسطس 2021

(2)

النهاردة بإذن الله هنتكلم عن موضوع مهم جداً وهو الهجرة إلي تسمانيا الأسترالية

بدون عقد عمل وبدون حساب بنكي

وكمان مسهلين الموضوع بشكل كبير جداً وبيقبلوا أغلب الوظائف اللي كانت بتلاقي صعوبة في التقديم للهجرة لأستراليا أو لأي دولة بتطلب منك نقاط لبرنامجها وكانت بتشترط عقد عمل وحساب بنكي ووظائف معينة وكانوا بيصعبوا الموضوع علي الناس عشان يعجزوا أي حد يسافر للبلاد دي.

ومش شرط تقدم عقد عمل خالص عشان تسافر لأستراليا والموضوع دا سهلوه بشكل كبير المرادي وفتحوا المجال لكل الناس

طيب نعمل إيه عشان نقدم للهجرة لولاية تسمانيا الأسترالية

هيلزمك تقدم علي فيزا 491

وزي ما حضراتكم شايفين من الموقع الرسمي مكتوب إن إسم الفيزا دي

Skilled Work Regional (Provisional) visa

مدة الفيزا بالظبط خمس سنوات

وبتقدر تقدم علي الإقامة الدائمة لو قعدت بعد الخمس سنين دول 3 سنين كمان هتقدر تحصل علي الإقامة الدائمة.

طبعاً فيه ناس هتسأل إيه نوع الفيزا 491 اللي مدتها بتكون خمس سنوات فقط

طبعاً الفيزا دي بتكون فيزا إنتقالية ومؤقته فقط

وليست شرطاً للحصول علي الإقامة الدائمة، ولكن الحصول علي الإقامة الدائمة بيلزم الوجود لمدة ثلاث سنوات تانيين داخل البلاد.

طيب وإيه شروط الإقامة الدائمة؟

إن الراتب بتاعك خلال ال3 سنوات إقامة داخل الولايات المُتاحة ليك فقط لا يقل عن 54 ألف دولار أسترالي

وعشان تطمن نفسك

الرواتب في أستراليا بتكون في اجمالي المتوسط 81 ألف دولار سنوياً

والشرط التاني

إن إقامتك وعملك يكونوا داخل الولايات المُتاحة ليك ماعدا سيدني وميلبورن وبريزبان

شروط الهجرة لولاية تسمانيا للحصول علي فيزا 491

لازم تحصل علي 65 نقطة منهم 15 نقطة إجباري وبيكونوا ترشيح من ولاية تسمانياً

كيفية حساب النقاط

السن

لو سنك أقل من 25 هتحصل علي 25 نقطة

لو سنك أقل من 33 هتحصل علي 30 نقطة

لو سنك أقل من 40 هتحصل علي 25 نقطة

ولو أقل من 45 هتحصل علي 15 نقطة

لو سنك أكبر من كدا هيتم حرمانك من الحصول علي هذه النقاط

الشرط اللي بعد كدا الشهادات الدراسية والمستوي التعليمي

10 نقاط للحاصلين علي الدبلوم

لو معاك بكالوريوس أو ماجستير هيتم حساب 15 نقطة ليك

أما لو كان معاك دكتوراة هتحصل علي 20 نقطة

النقط اللي بعد كدا هي نقاط سنين الخبرة

لو خبرتك في شغلك كانت مدتها 3 سنوات هتحصل علي 5 نقاط

أما لو كانت خبرتك من 5 ل 8 سنين خبرة هتحصل علي 10 نقاط

ولو كانت خبرتك 8 سنوات هتحصل علي 15 نقطة.

النقاط الخاصة باللغة الإنجليزية

واحتساب النقاط بيعتمد علي تعليمك للإنجليزي ومستواك من خلال شهادات من الIelts أو toifel أو bte

الاسكور في الامتحان في الايلتس بيكون من 0 ل 9 في أربع اقسام التحدث والقراءة والاستماع والكتابة أي 6 درجات في كل الاقسام دي

لكن لو حصلت علي درجات وليكن 7 في كل قسم هيتم احتساب 10 نقاط ليك

اما لو حصلت علي 8 في كل قسم هتاخد 20 نقطة

بعد كدا ترشيح الولاية أو المقاطعات الأسترالية

هتاخد 15 نقطة من ترشيح الولاية ليك

بالنسبة للتعليم لو كان سفرك لأستراليا من أجل التعليم وحصلت علي شهادة في تخصص ما داخل أستراليا في الحالة دي هتحصل علي 10 نقاط

وطبعاً كل النقاط دي واضحة داخل الموقع الخاص بالفيزا الأسترالية 491

وبعد ما تقدر نقاطك من خلال الشروط السابقة هتقدر تعرف حجم فرصة سفرك أد إيه هناك

وبتقدر تقرر دا من خلال الموقع الرسمي الخاص بالحكومة الأسترالية الخاص بالنقاط وفيه لينكات موجوده داخل لينك المقالة الموجوده داخل المدونة الخاصة بينا موجود فيها كل اللينكات اللي هتساعدك في تحديد النقاط وتقدر تكتشفها بنفسك بدون أي مشكلة

ولو قدرت تجمع النقاط فإنت كدا هتكون مؤهل للسفر وللهجرة إلي أستراليا وهيتم فتح لينك ليك عشان تقدر تملي كل بياناتك اللازمة.

طيب كدا إحنا إتكلمنا عن الشرط الأول من أول شرطين مطلوبين للهجرة إلي ولاية تسمانيا الأسترالية

الشرط التاني

لازم تكون وظيفتك موجودة من ضمن الوظائف المطلوبة داخل أستراليا

وفيه لينك للوظائف المطلوبة موجود أيضاً داخل المقالة الموجودة أسفل الفيديو

طبعاً لو وظيفتك مش موجودة من ضمن الوظائف المطلوبة هتقدم عادي جداً وهتملي الخانات المطلوبة بوظيفتك وهيتم إبلاغك عندما يتم إدراج وظيفتك للقائمة وهتكون الأولوية لمن حجزوا مسبقاً حتي لو تم فتح الطلب وقدم أشخاص جدد ولكن هيتم الإستعانة بالمسجلين مسبقاً أولاً.

معايير الترشيح:

يجب أن تكون مهنتك المرشحة مدرجة في قائمة الوظائف الماهرة في تسمانيا (TSOL)

يجب ألا تكون أنت أو أي من أفراد عائلتك قد عشت في ولاية أخرى في أستراليا خلال الـ 12 شهرًا الماضية.

يجب أن تفي بمتطلبات اللغة الإنجليزية المحددة لمهنتك المرشحة.