نصائح لطلاب الثانوية العامة قبل التنسيق

نصائح لطلاب الثانوية العامة قبل التنسيق



 نخلى بالنا من نقاط مهمه جداــ اقرأ الموضوع لآخره ، ولو استفدت منه حاول تشيره على قد ماتقدر 


1-) أكتب المعهد الفنى الصناعى فى الرغبات بعد الكليات - إوعى مكتبوش لإن التحويل هيكون إلكترونى ولو إنتا مش كاتبة فى الرغبات مش هتعرف تحول ليه السنادى وهتضطر تأجل وتحول السنة الجاية وتضيع سنة من عمرك...إكتبة فى الرغبات انتا مش خسران حاجة.


2-) خلى بالك ذاكر تنسيق السنة الى فاتت كويس وإعرف كل حاجة متاحة ليك وإبدأ من دلوقتى إبحث على اليوتيوب عن كل شئ هيكون متاح ليك وادخل على جروب او صفحة كل معهد او كلية وإسأل الطلبة السابقين عن مزايا وعيوب المعهد او الكلية. 


3-) إكتب الكلية قبل المعهد علشان لو جاتلك كلية وإنتا عايز تحول لمعهد تعرف تحول للمعهد سواء خاص او حكومى - لكن لو إنتا كتبت المعهد قبل الكلية عمرك مهتعرف تحول من معهد لكلية حكومية حتى لو إنتا جايب 100% مش هتعرف تحول لإن نظام التحويل الإلكترونى مش بيتيح ليك إنك تحول من معهد لكلية - اللهم بلغت اللهم فإشهد. 


4-) اكتب الحكومى كلة فى الرغبات وبعد كده إكتب الخاص سواء هندسة خاصة نظم او اياً كان لإن نظام التحويل الإلكترونى بيتيح ليك تحول من حكومى لخاص لكن لو كتبت الخاص الأول قبل الحكومى هيكون صعب جدا تحول من خاص لحكومى. 


5-) إكتب الخاص الأول لو إنتا متأكد مليون فى المية إنك هتكمل فى خاص وليكن هندسة خاصة او نظم ومعلومات - علشان لو كتبت خاص وإنتا متردد صعب جدا بعد كده تحول لحاجة حكومى على سبيل المثال "صعب إنك هتحول مثلاً لمعهد فنى صناعى" من مثلاً هندسة خاصة او مثلاً معهد عالى نظم ومعلومات.


6-) الجامعه العمالية مش جامعه دى اصبحت معهد فوق متوسط وبتديك مؤهل فوق متوسط وبتضيع مستقبل وملهاش تكملة إنك تاخد بكالوريوس ولا ليها نيلة ! ! ! لو السنادى جه فى الرغبات قالك دبلوم منتهى "إوعى تكتبها فى الرغبات" ومكتبهاش لو حتى اخر رغبة ليك.

7-) خلى بالك من إسم كل جامعه او كلية او معهد فى التنسيق 

-مثال/ الفنى الصناعى إسمة فى الرغبات والتنسيق - ك.ت فنى صناعى 

مثال ك.ت فنى صناعى المحلة 

-مثال2/ كلية التعليم الصناعى إتغير مسماها ل - كلية التكنولوجيا والتعليم الصناعى وبتديك 2 بكالوريوس 

مثال3/ معهد الإنتاج الحربى - إسمة فى الرغبات المعهد الفنى للصناعات المتطورة مش الإنتاج الحربى.


فخلى بالك من المسميات

🤓 لو إنتا جايب 70% او اكتر وملحقتش المعهد الفنى الصناعى ممكن هتكمل فى دبلوم بنظام الخمس سنين - دبلوم صناعى متقدم بس هتقدم عن طريق مديرية التربية والتعليم...خلى بالك علشان نظام دراستها اصعب من الفنى الصناعى بكتير وهتحتاج منك مجهود ومذاكرة وحضور وعملى.


9-) خلى بالك من المعاهد الغير معتمدة من الأعلى للجامعات السنتين او الأربع سنين دى معاهد نصابة هيقولولك إحنا معتمدين وليك مسمى وظيفى وليك كارنية نقابى وكلام نصب وكذب المعاهد دى هتضيعك فى النهاية لإن لا ليها مسمى وظيفى ولا ليها كارنية نقابى يعنى إنتا كده مستقبلك ضاع 

بلاش تمريض خاص - بلاش إعلام خاص - بلاش كومبيوتر خاص - بلاش مساحة خاص 

إوعى تمشى ورا الإعلانات الى بتنزل على الجروبات والصفحات والعالم دى والله هيضيعوك 

وهيضيعوا مستقبلك "فلوسك ووقتك ومجهودك"

اول حاجة لازم تعملها أول ما تعرف النتيجة

تشوف ترتيبك على الدفعة 

 بالنسبة لعلمي علوم

لو ترتيبيك

لحد 10 الآلاف فأنت غالبا طب بشري

لو لحد 11500 فأنت غالبا أسنان 

لو لحد 19000 فأنت غالبا صيدلة

لو لحد 22000 فأنت غالبا علاج طبيعي

لو لحد 24000 فأنت غالبا طب بيطري

بالنسبة لعلمي رياضة:

لو لحد 20000 فأنت غالبا هندسه وحاسبات ومعلومات

النسب دي نسب تقريبية ممكن تزيد حاجه بسيطه وممكن تقل حاجه بسيطه

وبالنسبة لشعبة الأدبي:

لو لحد 5000 بنسبة كبيرة هتلحق كلية من (سياسة واقتصاد، اعلام، ألسن)

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -