طلاب الثانوية العامة معلومات عن التحويل وتقليل الأغتراب


طلاب الثانوية العامة معلومات عن التحويل وتقليل الأغتراب





بعد نتيجة المرحلــــة الأولى ماتظهر باذن الله والغالب هتبقى " السبت أو الأحد "  الناس مش عارفه هتمشى ازاى   🙃 خير ركز فى الكلام دا وهتلاقى الدنيا اترتبت معاك 


- هو أنا هعمل اى بعد ماالمرحلة الاولى تظهر ؟ 


لو أنت مش محتاج تقليل الأغتراب ولا التحويل فى حاجة هتنتظر لحد مالتقديم فى الكليات يفتح غالبا بعد نتيجة المرحلة باسبوع حسب كل جامعة  تنزل معاد التقديم الورقى فى الكليات ( هنزله على البيدج ) كل اللى مطالب منك تجهز ورق التقديم 


- تقليل الأغتراب هيفتح أمتى ؟ 


هيفتح بعد مالمرحلة التانية للتنسيق تخلص هيبقى تقليل الاغتراب والتحويل  للمرحلة الاولى والتانيه مع بعض أو ممكن يفتح قبل التانية حسب ماالوزاره تقرر 


- هو اللى الفرق بين تقليل الاغتراب والتحويل ؟ 


التقليل الاغتراب اسمه ( تحويل مناظر ) يعنى بتحول من كلية فى مكان بعيد لنفس الكليه فى محافظتك مثلا جالك مرحله اولى هندسه أسيوط وانت من المنصوره ساعتها هتعمل تقليل الاغتراب من أسيوط للمنصوره 


- التحويل الغير مناظر بتحول من كلية لكليه تانيه ( داخل محافظتك ) بس شرط تكون جايب مجموعها 


يعنى مثلا جالك تجارة وأنت مش حاببها تقدر تعمل تحويل من تجاره لاداب بس شرط تكون جايب مجموع أداب ( تجارة المنصوره >>>> اداب المنصوره ) ✅ 


(تجارة المنصورة >>>> اداب القاهره ) ❌


هو أنا ينفع أعمل تقليل الاغتراب وتحويل فى نفس الوقت ؟ 


مثلا طالب جايب اداب ومجموعة جايب اثار الفيوم وهو من القاهره 


ينفع يعمل تحويل لاثار الفيوم ثم تقليل الاغتراب للقاهره ❌


للاسف لا الموقع مابسمحش لك اللى بعملية واحده اما تقليل الاغتراب او تحويل ( عملية واحدة فقط ) 


تقليل الاغتراب بيقبل على أساس اى ؟ 


تقليل الاغتراب بيقبل زياده عن الكلية 10% بمعنى لو هندسه المنصوره بتقبل عدد طلاب 100 طالب وتقليل الاغتراب جابلها 10 طلاب كمان ( اللى هما 10% من 100 )  يبقى كدا 110 طالب طيب نفترض ان فى 20 طالب  عاملين تقليل الاغتراب للكليه ساعتها الكليه هتقبل أعلى 10 فيهم من حيث المجموع 


الخلاصه كل مامجموعك قريب من تنسيق الكلية فرصتك كبيره فى التحويل 


طيب لو انا عملت تقليل الاغتراب واترفص كدا هفضل فى أخر الدنيا ؟ 


هيبقى قدامك حلين الاول تحويل ورقى بين الجامعات ( ودا مش كل الجامعات بتقبله للاسف 🙁 ) 


أو هتقدم التمس طبى فى الوزاره مرفق معاه شهاده طبيه انك تعبان ومينفعش ليك سفر ودا برضوا انت وحظك 


الحل التالت هتفضل سنه فى الكلية وبعدين تحول ( ودا سهل شويه ) 

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -