طلاب الثانوية العامة 💙
الناس اللى هتكتب الرغبات تركز , الرغبات مش رص كلية وراء كلية وخلاص !! لازم تبقى عارف أن الترتيب مهم جدا وعلى أساسة بتدخل الكلية 🤔
طيب شوفوا الكلام دا 🔽
فى طريقتين لكتابة الرغبات :-
الطريقة الأولـــــى
أنك عايز تدخل كلية معينة بغص النظر هتدخلها فين
نفترض مثلا أن الكلية دى تجارة عايز تدخلها حتى لو فى محافظه فى بعيدة
يبقى هتكتب ازى فى الرغبات ؟ 🤔 هتيجى على الكليات وتضيف تجارة هتلاقى جنب الكلية حرف " أ " معناه ان الموقع أجبارى بيقولك دخل كلية التجارة اللى جنبها حرف " أ " الأول ثم "ب " ثم " ج " ثم باقى المحافظات بالترتيب اللى عايزة ودا أسمه التوزيع الجغرافى ياشباب
معنى " أ " ان الموقع بيقولك دى أقرب جامعة لمحافظتك " ب " أبعد شوية و " ج " أبعد شويتين 😂 والباقى بيقولك بمزاجك يابطل
مثال أنا من المنصورة وعايز كلية تجارة حتى لو فى مكان بعيد
يبقى أول رغبة إجبارى
1- تجارة المنصورة نطاق " أ "
2- تجارة دمياط نطاق " أ "
3- تجارة الزقازيق " أ "
4- تجارة طنطا " ب "
5-تجارة بنها " ب "
6- كمل بقى تجارة بقى المحافظات بمزاجك بس الموقع هيجربك تدخل اللى فوق الأول ثم باقى المحافظات
خلصت كلية تجارة أدخل على الكلية التانية اللى عايز تدخلها حتى لو فى محافظه تانية وهتمشى بنفس الخطوات
الطريقة التانية
ان مافيش فى دماغك كلية معينه وعايز ابقى فى محافظتى اى كلية
طيب كتابة الرغبات هتختلف عن فوق
مثال انا من المنصورة وعايز ادخل اى كلية فى المنصورة مش عايز ابعد
يبقى كتابة الرغبات كالتالى
1- تجارة المنصورة
2- حقوق المنصورة
3- اداب المنصورة
4- تربية المنصورة
5- تجارة دمياط
6- حقوق دمياط
7- اداب دمياط
8- وهكذا باقى الكليات بنفس الترتيب
ملحوظة
ترتيب الرغبات مهم جدا جدا لان موقع التنسيق أول مابيدخل عليه التنسيق بيبدا يشوف الرغبة الاولى مجموعك جايبها يبقى مش هينزل على التانية وهيقبلك فى الأولى طب مجموعك مجبش الاولى هينزل على التانية لحد مايلاقى كلية مجموعك جايبها بترتيب الرغبات