1- اللقاح اجباري و لن يدخل معلم المدرسة الا اذا تلقي اللقاح
2- انا حجزت من شهر او من شهرين او حتي 5 شهور و ما جاتش الرسالة اعمل ايه ؟
لا حضرتك ما تعملش حاجة انتظر الرسالة بالميعاد جات الرسالة روح المكان اللي انت حجزت فيه بالميعاد اللي في الرسالة و خد اللقاح ..طيب الرسالة لم تصل .. اعمل ايه ؟ 👇👇
كل ادارة هاتحدد مدرستين بها مواصفات معينة و اجراءات مخصصة هايتم فيها تلقيح معلمي التربية و التعليم سواء الرسالة وصلتك او لم تصل المهم تكون حاجز علي الموقع ..
👈طيب انا حجزت و الرقم ضاع مني لاي سبب اعمل ايه ؟
👈يا سيدي ما تشغلش بالك لما تروح مكان الحجز المخصص لادارتك بالرقم القومي اكيد هايكون فيه حل ان شاء الله ..
👈و انا بسجل مش عارف سجلت ولا لأ ؟
👈ادخل تاني علي الموقع و سجل من جديد لو التسجيل اكتمل خلاص تمام لو ما اكتملش و قالك الرقم القومي مسجل من قبل يبقي انت سجلت و انتظر الرسالة بالميعاد او اخذ اللقاح في ادارتك
👈مين المسئول عن التسجل ؟
👈حضرتك اللي تسجل لنفسك مسئول الاحصاء بالمدارس ما لوش دعوة لسبب .. لانك و انت بتسجل هايطلب رقم موبايلك و هايبعت رسالة برقم التفعيل علي نفس الموبايل و انت تاخد الرقم و تكتبه في المكان بتاعه و تضغط تحقق و تكمل التسجيل .. دي مسئولية المعلم نفسه ..
👈طيب انا ما ينفعش اخد اللقاح لاني ممنوع اخد بامر الطبيب لظروف حمل او رضاعة أو .... أو ....ايه الحل ؟
👈النقطة دي ما اعرفش حلها او هايتم فيها ايه و لما نعرف هانقول ايه الحل
طيب اسجل ازاي ؟
دا الموقع 👇👇👇👇
https://www.egcovac.mohp.gov.eg/#/registration
ادخل عليه و كمل التسجيل هايطلب منك كل البيانات الرقم القومي و مكان العمل و هايطلب رفع صورة البطاقة بس دا طلب اختياري ممكن تتخطي المرحلة دي و اتاكد انه جالك رسالة في الاخر بتقولك :
رقم الطلب الخاص بالحصول علي اللقاح ( كذا ) رقم كبير هو
احتفظ بالرقم ده معاك و لو ضاع منك اكيد هايكون في حل ان شاء الله في مراكز التلقيح ..
اخيرا ... حضرتك ما لكش مزاج تاخد اللقاح او خايف منه او او او ..
انت حر تتحمل مسئولية قرارك و اعرف انك مش هاتدخل المدرسة الا بعد ما تاخد اللقاح
هاتقول مش عايز ادخل
مش بالسهولة دي علي فكرة دي هايكون فيها مسائلة قانونية و انقطاع عن العمل و ليلة كبيرة سعادتك
انت صاحب القرار