ألف مبروك للناجحين والمتفوقبن من طلاب الثانوية العامة ، هناك بعض الأمور التي لايعرفها الطلاب وتكثر الأسئلة عنها ، وهي ماهي الخطوة التالية بعد معرفة نتيجة الثانوية العامة 2021؟
تتلخص الخطوة التالية بعد معرفة نتيجة الثانوية العامة فيما يلي :
1- كمان يومين هتروح المدرسه تسحب الاستماراه بتاعتك والاستماره مهمه جدا حافظ عليها وف عليها رقم سرى الرقم محدش يعرفه غيرك ولو حد طلبه منك مش تديله اياه بحجة انه يكتبلك الرغبات
2- بيتم تقسيم كتابه الرغبات ع 3 مراحل كله مرحله بينزل ليها الحد الادنى للقبول فيها ع كلام حسب الوزير ان اول مرحله هتفتح يوم الاربعاء ان شاء الله قبلهاا الوزاره هتعلن عن الحد للادنى ليهاا واللى مجموعه ضمن الحد الادنى ده هيكتب رغبات كتابه الرغبات دى اللى هى بتكتب الكلبات اللى انت عاوزهاا بالترتيب
3- بعد لما تكتب رغبات بتنتظر نتيجه الرغبات ع تعرف انت قبلت ف كليه اييه
4- خلاص عرفت نفسك قبلت ف كليه اييه لو حابب تحول ل كليه تانيه مجموعك جايبهاا ف حاجة اسمها تقليل اغتراب بيفتح بعد كل مرحله للى عاوزه يحول كليه او ينقل ل نفس الكليه بس ف محافظه تانيه بس ده حسب توزيع الجغرافى
5- بعد كده ف حاجة اسمها بطاقه ترشيح دى مهمه جدا لان دى اثبات انك قبلت ف الكليه بتطبعها اكتر من نسخها وتحتفظ بيهاا دي
6- بتسال ف الكليه اللى قبلت فيهاا التقديم هيفتح امته واول لما تقديم يفتح بتروح تقدم وبس كده
7- اييه بقى الحاجات اللى هتحتاجها ف التقديم
- 1- بطاقه ترشيح وصور منها
2 – شهاده ميلاد حديثه ( يكون فيهاا الرقم الثلاثى للولاد بس )
3- استماره الثانويه
4- صور شخصيه ف حدود 10
5- بطاقتك وصور منهاا.
6- نموذج 6 جند للولاد بس بتجيبه من مركز التجنيد اللى انت تابع لييه
7- مصاريف الكليه دي بقي بتختلف من كليه ل تانيه بتعرف من كليه
8- استماره الكشف الطبي دي بتطبعها من ع النت بعد لما تسجل وتحجز ل الكشف طبي
بالتوفيق للجميع ❤️