لخريجي كلية تربية
وزارة القوى العاملة تصدر قرار بإعتبار كلية تربية ( الاقسام العلمية ) " كمياء وفيزياء وبيولوجي وجولوجيا ورياضة "
اصبح الان لهم دورة أخصائي سلامة وصحة مهنية
من المركز القومي لدراسات السلامة والصحة المهنية
او معاهد السلامة والصحة المهنية
الدورة مدتها شهر يتخرج منها ليصبح اخصائي سلامة وصحة مهنية
وهي وظيفة مطلوبة في كل الشركات والمصانع
وصف الوظيفة
عاوزين نوضح حاجة صغير بس
حوار كورس السلامة والصحة المهنية كان مقتصر علي كليه الطب وكليه الصيدلة وكليه الهندسة وكليه العلوم وكليه الزراعة فقط لكن في اللحظة دي تم اعتماد كلية تربية وخاصة أقسامها العلمية انهم يقدروا يأخدورا الكورس دا
لأنك لو روحت كخريج تربية تقدم في الكورس دا قبل القرار دا كنت هتترفض لأن الكورس مش ليك أصلا
لكن دلوقتي ممكن تأخد الكورس دا عادي جدا
طب الكورس دا بيتأخد فين وايه التفاصيل ؟؟
مكان الكورس انت اللي هتحدده
هتكتب علي جوجل معهد السلامة والصحة المهنية في محافظة ................ وتكتب اسم محافظتك
طيب ايه التفاصيل ؟؟ تقدر تسال في المعهد هناك عن كل التفاصيل اللي عاوز تعرفها
طب هتستفاد ايه ؟
طبعا انت اول اما تأخد الكورس هتبدأ تبحث عن شغل
هتبحث عن اي شركة او مصنع طالبين اخصائي سلامة وصحة مهنية وتقدم زيك زي اي حد بيقدم
طبعا لو اتقبلت فشغلك هيكون انك هتراقب العمال هل واخدين احتياطات الأمان ولا لا وتتعامل معاهم لو مش واخدين اي احتياطات أمان
هتأخد احتياطات انك تحافظ علي الآلات بتاعت الشغل
يعني تحافظ علي العامل وآلات الشغل وترفع تقارير لصاحب الشغل وحاجات تانية ممكن تبحث عنها في جوجل
عشان محدش ينصب عليكم في الكورسات بتاعت السلامة والصحة المهنية
اتاكد ان المكان هو أحد الفروع التابعة للمؤسسة الثقافية العمالية
لأنك لو بحثت علي جوجل هتلاقي ان وزارة القوي العاملة ومعظم الجهات الحكومية بيتعاملوا معاهم