بعض النصائح للتعامل مع عداد كهرباء مسبق الدفع وكيف تتفادى قطع التيار الكهربي بسهولة

بعض النصائح للتعامل مع عداد كهرباء مسبق الدفع وكيف تتفادى قطع التيار الكهربي بسهولة





 📢⁉️ناس كتير بتسأل إزاى اعرف الرصيد بالعداد 


     ⁉️واللى بيتخصم من العداد مسبوق الدفع( الكارت)أول ما بشحن ؟وليه بيتخصم !!؟؟ طبقاً لأسعار ٢٠٢١ : ٢٠٢٢



❓س : إزاى ممكن أعرف الرصيد ..؟


✔️ ج : بالعداد 3 شاشات رئيسيه الرصيد بالجنيه-الرصيد بالكيلو-الشريحه


                           ـــــــــــ ـــــــــ ــــــــــ


س : إمتى أشحن ..؟


✔️ ج : توجد بالعداد لمبة بيان فى واجهة العداد تضيئ عند وصول الرصيد إلى حد الإنذار وتضيئ ثانية عند وصول الرصيد إلى حد الفصل وعندما يفصل تقوم بتركيب الكارت بالعداد فتعود الكهرباء حتى تقوم بالشحن.


                           ـــــــــــ ـــــــــ ــــــــــ


 س : ما هو أفضل وقت للشحن خلال الشهر؟


✔️ ج : هناك شائعه ان الشحن افضل اول الشهر لانك تكون عند الشريحه الاولى وبالتالى رصيدك بالكيلو يكون اكبر ولكن نفترض ان رصيدك انتهى هل ستظل بدون كهرباء حتى اول الشهر ؟؟ طبعا لا وللعلم عند اول كل شهر يعود العداد للشريحه الاولى وبالتالى رصيدك بالكيلو يزيد مره اخرى.


                           ـــــــــــ ـــــــــ ــــــــــ


 س : لماذا لايعود العداد للشريحة الاولى عند الشحن؟


✔️ ج : يا سيدى الفاضل العداد مبرمج بالوقت والتاريخ ويعود للشريحه الاولى مع اول دقيقه كل شهر وهو بذلك يحقق لك عداله استخدام لانه فى نظام العداد القديم يتم محاسبتك بالشهر من مرور القارئ حتى مروره مره اخرى اما مسبوق الدفع فيعمل بنظام برمجى بالوقت والتاريخ محكم.


                          ـــــــــــ ـــــــــ ــــــــــ


 س : هل هناك حل لو فصل العداد انذار والكارت غير موجود بجانب العداد؟؟


✔️ ج : لو حضرتك فى الشغل والكارت معاك وفصل العداد انذار ممكن اللى فى البيت يقوم بادخال بطاقه رقم قومى او فيزا بنك فى العداد الدفع فيعود التيار الكهربائى فورا حتى عودتك بالكارت.


                          ـــــــــــ ـــــــــ ــــــــــ


 س : هل قيمة الشحن هى من تحدد الشريحه؟؟


✔️ ج : لا طبعا الشريحه اللى بيحددها استهلاك حضرتك لان كل شريحه بكميه معينه من الكيلووات عند استهلاكها حضرتك بتتنقل لشريحه اعلى حتى اول الشهر وعودتك للشريحه الاولى مره اخرى .


                          ـــــــــــ ـــــــــ ــــــــــ


 س : شاشات العداد الاخرى ماذا تعنى ؟.؟


✔️ ج : شاشات العداد الاخر تحتوى على بياناتك مثل : رقم العداد ورقم المشترك والوقت والتاريخ وفى حالة انه فى فروق شرائح او العداد وصل الرصيد صفر ولم يفصل لانه اجازه او ليلا كما هو مبرمج بالعد اد وتوجد شاشة الديون بالجنيه حتى تقوم بالشحن وتخصم الديون من العداد وليس الشحن كذلك شاشة الجهد والاستهلاك الكلى منذ تركيب العداد واستهلاك كل شهر على حده.


                          ـــــــــــ ـــــــــ ــــــــــ


 س : هل بامكانى متابعة استهلاكى بالكيلو وات خلال الشهر؟


✔️ ج : نعم وبكل سهوله من شاشة الاستهلاك خلال الشهر تقدر تعرف استهلكت كام كيلو كما يمكنك قبل التوجه للشحن تركيب الكارت بالعداد حتى ظهور كلمة كارت مقبول وبالتالى عند قدومك الينا للشحن نستطيع الاجابه عن كل الاستفسارات التى تريدها.


                          ـــــــــــ ـــــــــ ــــــــــ


 س : نسمعكم دائما تؤكدون علينا بتركيب الكارت بالعداد قبل الشحن فما الفائده


✔️ ج : الحقيقه هذا الجزء بالذات مهم جدا جدا لانه اولا نستطيع الرد عن كل اسئلتك وحالة العداد وحالة البطاريه وطمئنتك والرد عليك كذلك تساعدنا فى تحديد نسبة الكهرباء المستهلكه بالكيلو والجنيه


                          ـــــــــــ ـــــــــ ــــــــــ


 س : لو الكارت ضاع من إيه الحل؟


✔️ ج : حضرتك بتشرفنا ويستحسن لو معاك صوره او رقم العداد كذلك بطاقة الرقم القومى للاطلاع عليها او توكيل او عقد ايجار موثق من صاحب العداد بتقوم بدفع قيمة الكارت الجديد طبقا للرسوم المقررة بالشركة وبيتم استخراج كارت جديد وتفعيله وبتستلمه فى دقائق معدوده.


                          ـــــــــــ ـــــــــ ــــــــــ


 س : وهل يتلف الكارت؟


✔️ ج : نعم لو تعرض للماء والعرق والشمس بتتأثر الشريحه النحاسيه ولا تعود تعطى بيانات ولا نتمكن من قرائتها بيتم تغييره لذا ننصح بالحفاظ على الكارت


                          ـــــــــــ ـــــــــ ــــــــــ


 س : ما العمل لو الكارت ضاع وعليه شحنه لم تفرغ بالعداد؟


✔️ ج : لا داعى للقلق كل عملية شحن بتسجل فى ذاكرة العداد برقمها وقيمتها ولو ضاع الكارت وعليه شحنه لم تفرغ بالعداد بيتم استخراج كارت وعند برمجته بتسجل كل بياناتك وكذلك عمليات الشحن بارقامها وقيمتها وعند تركيب الكارت بالعداد لو ذاكرة العداد وجدت عمليه لم تفرغ بالعداد يتم استقبالها بالعداد وتنفذ فورا.


                          ـــــــــــ ـــــــــ ــــــــــ


 س : هو فعلا العداد مش بيفصل بالأجازات الرسمية وبالليل ..؟


✔️ ج : بالفعل يا افندم العداد مبرمج على عدم الفصل الجمع والاجازات الرسميه وكذلك من الساعه 5 مساءا وحتى ١٠ صباحا. 


                          ـــــــــــ ـــــــــ ــــــــــ


 س : لو عندى لوحة العداد فيها كذا عداد وبنفس الاسم اعرف ازاى الكارت الخاص لكل عداد؟


✔️ ج : حضرتك الكارت فى استيكر عليه رقم المشترك لو قلبت فى شاشات العداد حتلاقى بعد الثلاث الشاشات الرئيسيه شاشة رقم العداد وبعدها شاشة رقم المشترك يمكنك منها معرفة الكارت الخاص بكل عداد.


                          ـــــــــــ ـــــــــ ــــــــــ


 س : الشحن ما هى الوسائل المتاحه ليه؟


✔️ ج : اولا الشحن من أى هندسة تابعة للشركة أو الشحن من اى منافذ بيع فورى.


                          ـــــــــــ ـــــــــ ــــــــــ


 س : لو مصلحه محتاجه منى ايصال كهربا إيه العمل؟


✔️ ج : يا افندم حضرتك مع كل شحن بتستلم ايصال حرارى ولو محتاج ايصال تفصيلى متاح ولو المصلحه محتاجه بيانات العداد وتاريخ التركيب بيتم استخراج شهادة بيانات ليك.


                          ـــــــــــ ـــــــــ ــــــــــ


 س : لو فتحت غطاء العداد؟


✔️ ج : حضرتك سوف تدفع غرامة فتح الغطاء طبقا للرسوم المقررة بالشركة.


💢كل حاجة حضرتك عايز تعرفهاعن العدادالكارت (الكودي) شرح وأسعار شرائح منزلي وتجاري ...


 ناس كتير كل يوم بتسأل إيه اللى بيتخصم من العداد مسبوق الدفع( الكارت)أول ما بشحن ؟وليه بيتخصم ! ؟؟ طبقاً لأسعار ٢٠٢١ : ٢٠٢٢


س : : ليه لو مستخدمتش الشقه بلاقي الرصيد بيروح؟


.أسأله كتيرة يوميا علي شباك الشحن في إدارات الفروع....


✔️  و من حقك تفهم  


ج : لو فيه خصم ها يبقى عبارة عن خصم اقساط عداد . أو خصم فرق الشريحة و سعر خدمة العملاء ..... 


س : يعني إية خصم فرق الشريحة !!؟؟


ج :💡 نبدأ من الأول : يوم 1 فى الشهر العداد يرجع للشريحة رقم 1 و بالرصيد المتبقي من الشهر السابق ..، شريحة ١ ، ٢ أعلي دعم موجود لأول ١٠٠ ك ..


فى خصم بيتم لما بتوصل الشريحه الثالثة ده اسمه فرق الانتقال من شريحه الى شريحه وبيكون قيمته ٢٨ جنيه للاسعار الحالية .


س : بتتحسب ازاى ( خصم الشريحة )!!؟؟


٥٠ كيلو × ٤٨ قرش = ٢٤ ج + جنيه خدمه عملاء = ٢٥ جنيه


٥٠ كيلو × ٥٨ قرش = ٢٩ ج+ جنيه خدمه عملاء = ٣٠ جنيه


يعنى اجمالى الشريحتين ٥٥ جنيه لاول ١٠٠ كيلوا 


لكن لو حضرتك كسرت ال ١٠٠ كيلو يعنى مثلا بقيت ١٠١ ده معناه ان اول شريحتين اتلغت بالنسبالك ...، 


وبداية المحاسبه ليك من الثالثة عشان انت فوق ال ١٠٠ كيلو طريقة حسابها 


١٠٠ كيلوا × ٧٧ قرش = ٧٧ جنيه + ٦جنيه خدمه عملاء = ٨٣ جنيه 


عشان كده بنقول ٨٣ _ ٥٥ = يبقى الفرق ٢٨ جنيه وهيا دى حكاية ال ٢٨ اللى بتتخصم اول متوصل للشريحه الثالثة عشان فى الاخر يبقى الاجمالى اللى اتخصم منك ٨٣ جنيه.....


—————————————————————


⚡️ فرق سعر الشرائح:لما تدخل شريحة 3و 6و 7فقط بيتم الخصم.


لما بتعدي ١٠٠ كيلو وات شهريا (شريحة 3) بيتم خصم ٢٨ جنية فرق سعر شريحة لأن المحاسبة بترجع من الصفر وبيخصم الفرق بس.


لما بتعدي ٦٥٠ كيلو وات شهريا (شريحة 6) بيتم خصم ١٤٥ جنية فرق سعر شريحة لأن المحاسبة بترجع من الصفر وبيخصم الفرق بس.


لما بتعدي 1000 كيلو وات شهريا (شريحة 7) بيتم خصم ١٨٥ جنية فرق سعر شريحة لأن المحاسبة بترجع من الصفر وبيخصم الفرق بس


بمعنى أنه لما تدخل شريحة 3و 6و 7فقط بيتم الخصم.


—————————————————————


٢....، وأنه فى حالة عدم الاستهلاك (مغلق) يقوم العداد فى نهاية كل شهر بالخصم التلقائى فيما يعرف بالمقروء بصفر وقيمته 9 جنيهات شهريًا فى حالة عدم الاستهلاك.


🖋 .. ودى كل الخصومات بكل شفافية ...،


💢بعض النصائح للتعامل مع عداد كهرباء مسبق الدفع 


١: عدم التلاعب نهائيا فى غطاء العداد حتى لا يفصل العداد


٢: التأكد من وجود رصيد كافى حتى لا تنقطع الكهرباء فجأة ورصيد العداد فى صفحة رقم ٢ سواء فى العداد الاسكرا أو الجلوبالترونكس 


٣: يعطى العداد إنذارات فى حالة وصول الرصيد ١٠ جنيه لمبة الرصيد تعطى لون احمر وهى أقصى لمبة على اليمين وانذار أخر لو الكهرباء قطعت يتم وضع الكارت فى العداد بدون شحن يعمل إلى أن تشحن ......


٤: يفضل الشحن فى اول اسبوع من الشهر عند شريحة واحد والشريحة تظهر فى صفحة رقم ٧ فى العداد الجلوبالترونكس أو الاسكرا  .......


٥:أخر اسبوع فى الشهر يفضل توفيرالطاقة على قدرالمستطاع لأنك بتكون على أعلى شريحة ليك 


 ٦:الانتقال من شريحةإلى شريحة يتم خصم مبلغ من الرصيد على حسب الشريحة إللى هتوصلها


٧: عدم تشغيل العداد نهائيا أو لا يوجد علية حمل يتم خصم ٩ جنيه من الرصيد 


٨: تأكد من ضبط الوقت والتاريخ عند شحنتك الكارت ودا مهم جدا جدا


٩: العداد الكارت زى العداد العادى طريقة الحساب التجارى واحد ....


١٠: لو الكارت مبيشحنش > روح اشحن من شركة الكهربا مره علشان يتفعل ولو الكارت بايظ بيتغير من الشركة ب ٣٠ جنيه ..


١١: لو الكارت ضاع وعليه شحنة لم تفرغ بالعداد؟!


لا داعي للقلق كل عملية شحن بتسجل في ذاكرة العداد برقمها وقيمتها ولو ضاع الكارت وعليه شحنه لم تفرغ بالعداد بيتم استخراج كارت وعند برمجته بتسجل كل بياناتك وكذلك عمليات الشحن بأرقامها وقيمتها وعند تركيب الكارت بالعداد لو ذاكرة العداد وجدت عمليه لم تفرغ بالعداد يتم استقبالها بالعداد وتنفذ فورا..


١٢: هناك حل لو فصل العداد إنذار والكارت غير موجود بجانب العداد ؟


لو حضرتك في الشغل والكارت معاك وفصل العداد إنذار ممكن اللي في البيت يقوم بإدخال بطاقة رقم قومي أو فيزا بنك في العداد فيعود التيار الكهربائي فورا حتى عودتك بالكارت.


١٣: لو فتحت غطاء العداد سوف تدفع غرامة فتح الغطاء طبقا للرسوم المقررة بالشركة.


١٤: لايمكن تبديل مكانه أو تغيير الأسلاك المرتبطة به دون الرجوع لشركة الكهرباء


١٥: في حالة زيادة الأحمال عن المسموح به والمقدر بـ 80 أمبير يفصل التيار الكهربائي تلقائيًا، ولو تكرر لثلاث مرات يفصل التيار الكهربائي بالكامل، ولا بد من العودة لشركة الكهرباء لتشغيله مجددا ...،


باستخدام الزر الضاغط يستطيع المستهلك الحصول على عدد من البيانات تظهر على الشاشة ، مثل:-


" الرصيد المتبقى مع التاريخ والوقت، استهلاك الشهر الحالى بالكيلو وات ساعة، أقصى حمل بالأمبير والكيلو وات، استهلاك الشهر السابق و12 شهرا سابقا، الاستهلاك الكلى التراكمى من وقت التركيب، التاريخ باليوم والشهر والسنة والوقت، إظهار آخر حالة عبث وتلاعب بالوقت والتاريخ، رسائل نصية من شركة الكهرباء على الشاشة مثل قبول الكارت وزيادة حمل المشترك عن التيار المبرمج للعداد".

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -