سبب رفض تاشيرة فرنسا 🇫🇷 وايطاليا 🇮🇹
الايام دي في ناس كتير اترفضت من فرنسا وكذا بلد اوربيه حتي في منهم ناس معاها تاشيرات قبل كده لاوروبا بصراحة بعد مراجعه حاجات كتير مع الناس الي ترفضت لقيت في خمس اسباب وراء الرفض ده من وجهت نظري
١- كدب في المعلومات
في ناس كتبت معلومات غلط ومش متناسقه يعني بتخفي امور كتير مثلا انك اعزب وهو متزوج مع العلم ان السفارة بتكتشف ده لانه مطلع شنجن قبل كده وكمان عدد ايام السفر مش ماشيه مع حجزات الطيران والفندق وحاجات كتير بيبقي في كدب في المعلومات وبالتالي السفارة بتشك وبترفض الفيزا
٢- الحساب البنكي
وده مهم اوووووي الفكرة ان الحساب البنكي مش بالفلوس الكتير اوووي علي قد انه يكون متناسق مع اثبات الدخل بتاعك من الوظيفه يعني ميبقاش معاك مليون جنيه ودخلك ٣ الاف جنيه بتبقي مكشوفه اوووي خليك مظبوط عشان السفارة بتبقي مركزه اووي
٣- تذكرة الطيران والفندق
متعملش تذكره طيران ترانزيت اوربا وانت اصلا لسه مخدتش التاشيرة ولازم تعمل عوده عشان تثبت انك راجع
ويفضل بالنسبه للفندق تدفع بس اول ليله حجز مبدأي مش تسترخص وده رخيص علي فكره
٤- وثيقة السفر
ودي مهمة جدا ممكن تروح لمكتب سياحة يعملك وثيقه سفر لا تغطي ٣٠ الف يورو وبكده المكتب يكون السبب في رفض التاشيرة
او تعمل وثيقه مش ماشيه مع ايام السفر او منتهيه الصلاحيه فلازم تعملها من شركة موثوق فيها
٥- خطاء في المعلومات الشخصية
اسمك لو كتبته في الاستمارة غلط مش زي الي موجود في الباسبور او عنوانك غلط ممكن يرفض التاشيرة
الصوره الشخصيه كمان لازم تبقي زي ما السفارة طالبه بالظبط
ولازم الامضاء تبقي زي الامضاء الي موجوده في الباسبور لبعض البلاد الي بيبقي امضاتهم في الباسبور
لازم ناخد بالنا كويس اووي
٦- السفر الي بلاد غير شنجن
يفضل انك يكون سافرتلك سفريتن غير شنجن انا بقول يفضل مش شرط عشان ده بيثبت انك شخص بيسافر سياحه يعني كل سنه تروح بلد في وقت اجازتك فاده بيوحي للسفارة انك شخص رايح تتفسح فقط
وبلاش نحط اي ورق زياده في الملف حط الاوراق المطلوبه وبس متخليش اي حد جاهل يقولك كلام وخلاص او يقولك حاجات يفتكر ان ممكن السفارة بالاوراق دي تديك التاشيرة السفارة فاهمة كويس وموفقتها علي التاشيرة قرار بيجي من القنصل مش من شخص شغال جوه اظن فاهمين قصدي بلاش حد يسرح بيك
اي سؤال اكتبه في كومنت وهجواب عليه وشير البوست عشان تفيد غيرك صدقني بينقذ ناس