تأشيرة الارجنتين 🇦🇷
ناس كتير بعتتلي علي فيزا الارجنتين ودلوقت هقولكم ازاي تعملوها
اولا: بتحمل الابلكيشن بتاع التاشيرة من الموقع واهم حاجه تكتب ايميلك صح عشان هيتوصلوا معاك بيه
ثانيا؛: بتحضر كل الاوراق الاصليه وبتوديها السفارة اوعي تبعت اي اوراق علي الايميل عشان مش هيردوا
ثالثا: التحضير للتاشيرة قبل السفر خمس او ست اسابيع وكل الاوراق تكون مترجمه انجليزي او اسباني
رابعا: بتسلمهم الاوراق وبتدفع رسوم التاشيرة وبعد كده هما بيبعتولك ايميل يحددوا معاك المقابله الشخصيه عشان دي اساسية وبتجيب باسبورك معاك
الاوراق المطلوبة :
1- باسبور مدته صالحة وفي صفحتين فاضيين
٢- صورتين شخصيتين خلفية بيضاء
٣- الابلكيشن الخاص بالتاشيرة وتملاء علي الكومبيوتر و تمضي عليه بتحملوا الابلكيشن من هنا
https://eegip.cancilleria.gob.ar/.../app-form-2020...
٤- كشف حساب بنكي اخر ست شهور
٥- جواب من جهه العمل او سجل تجاري لو عندك
٦- حجز طيران غير مؤكد
٧- حجز فندقي بالاقامة هناك او دعوة شخصيه ودي ليها فورمه معينه لو حد محتاج يعرف يبعتلي
٨- دفع رسوم السفارة 150 دولار للفيزا السياحة
٩- المقابلة الشخصية وبتبقي لوحدك
بس كده هي دي كل الاوراق الي بتبقي مطلوبه بس اصدار التاشيرة جوه السفارة بيبقي من ٤ ال ٦ اسابيع
بعد كده بتصدر تاشيرة ٩٠ يوم جوه البلد
وبكده ابقي خلصت ازاي تصدر تاشيرة فيزا الارجنتين
اقرأ أيضا
فرصة تطوع مجانية للتدريب في الأمم المتحدة وبأجر شهري بالدولار
التقديم من هنـــــا
تدريب البنك الدولي في الولايات المتحدة الأمريكية USA بمميزات خرافية