ناس كتير كلمتني خريجه مؤهل وحاصل علي ووظائف او معندكش شغل اصلا
عشان ممكن تمنعه انها تسافر تعالي اقولك ازاي
هتروح مكتب العمل اللى انت تابع ليه و تقولهم انك عاوز تعمل (شهادة قياس مهارة)
الشهادة دى بيتكتبلك فيها المسمى الوظيفى اللى انت عاوزه و من خلالها تقدر تعمل بطاقة جديدة و جواز سفر بالمسمى الوظيفى ده
الاوراق المطلوبة لاستخراج شهادة
١- عدد ٢ صورة شخصية 4x6.
٢- عدد ٢ صورة لبطاقة الرقم القومى.
٣- عدد ٢ صورة من المؤهل الدراسي.
٤- الرقم التأميني من مكتب التأمينات ( لو معندكش رقم تأمينى لسه، برضو هتقدم عليه من مكتب التأمينات او ممكن تقدم اونلاين
٥- الشهادة الصحية لبعض المهن وهو بيقولك هناك هتحتاج شهادة ولا لا.
تمام كده هتروح مكتب العمل و هتدفع ٧١ جنيه رسوم الشهادة و بيقولك تعالى استلم بعد اسبوع بالظبط.
هتستلم الشهادة بعد و هيكون مكتوب فيها المهنة اللى طلبتها و مع الشهادة هتستلم كارنيه مزاولة الحرفة.
تاخد الشهاده و الكارنيه و تصورهم يامعلم مع صوره البطاقة القديمة و تطلع على السجل المدنى تجيب استمارة البطاقة و تملاها و تكتب المهنة الجديدة الي مكتوب فى شهادة قياس المهارة .
وهتستلم البطاقة وعليها المهنة الجديدة
بعد ما تستلم البطاقة هتطلع على الجوازات و تقدم على الجواز بتاعك سواء جديد او تجديد و هيتكتبلك المهنة فيه زى البطاقة بالظبط.