التقديم علي تاشيرة أسبانيا 🇪🇸
بما ان التقديمات لتاشيرة اسبانيا فتحت وطبعا التقديم لازم يكون معاك شهادة بانك واخد جرعتين من التطعيم وترجمه انجليزي او اسباني
خلينا ارد علي كل الاسئلة واقولك ازاي تقدم
إجراءات التأشيرة
• التقديم من خلال مكتب BLS Spain و عنوانه 20 جزيرة العرب - المهندسين
• بيتم تحديد موعد من على الموقع و تنزيل كل الفورمات المطلوبة
• الموقع عليه معلومات مفصلة عن إجراءات التقديم
المستندات المطلوبة:
١- أبليكيشن التقديم وهتلاقوه في اللينك ده
٢- جواز سفر سارى و صورة من صفحة البيانات و كل الصفحات اللى فيها أختام أو تأشيرات
٣- صور شخصية حديثة خلفية بيضا مقاس 3.5x4.5
٤- شهادة تحركات للى مسافرش دول الشنجن قبل كده
٥- كشف حساب سارى 6 شهور
٦- صورة من البطاقة مترجمة هتلاقوه علي اللينك د حده
٧- خطاب من جهة العمل للموظفين أو سجل تجارى و بطاقة ضريبية لأصحاب الأعمال أو شهادة قيد حديثة للطلبة
٨- حجز طيران مبدئى
٩- حجز فندق مؤكد
١٠- تأمين سفر بقيمة 30 ألف يورو يغطى فترة الرحلة (من شركات التأمين أو السياحة)
١١- وثيقة الزواج مترجمة للأسبانية من العباسية فى حالة سفر الزوجين أو تقديم أحدهما مستندات خاصة بالآخر
طبعاً كل المستندات بيتم تقديم أصل و صورة و يتم ترجمة المستندات اللى أصولها بالعربى
فى القانون الجديد مسموح التقديم قبل تاريخ السفر بـ 180 يوم و مش أقل من 15 يوم
الإجراءات بتاخد 15 يوم فى العادى و ممكن توصل لـ 45 يوم فى أوقات الزحمة
اي سؤال اكتبه في الكومنت ومتنساش اللايك والشير عشان انك قريت البوست
#قنصل_الغلابة
#اسبانيا