تاشيرة المغرب 🇲🇦
اخيرا سفارة المغرب ابتدت تستقبل الطلبات رسميا من انهارده في ناس كتير جدا سالتني عليها عشان كده نزلت بوست شرح للتاشيرة المغرب وتقدر تعملها لوحدك وبسهولة والمغرب من احلي بلاد السياحة الي تروحها وهنزل برامج للطيران والاماكن تقدر تروحها هناك المغرب قعدت فترة واقفه مبتستقبلش طلبات وانهارده فتحت تعالي بقي نقول اورقها
متطلبات تاشيرة المغرب السياحية
١- الابلكيشن الخاص بالتاشيرة وده ممكن تحمله وتملاه وهسبلكم اللينك تحت هنا
٢- جواز سفر صالح لاخر ٦ شهور من تاريخ التاشيرة
٣- صورتين شخصيتين خلفية بيضاء مقاس ٣ في ٤
٤- كشف حساب بنكي اخر ٣ شهور
٥- خطاب من جهه العمل HR / او سجل تجاري وبطاقة ضريبيه لاصحاب المشاريع / الطلاب فتقديم اثبات القيد
٦- حجز فندق بمده الاقامة وحجز طيران ذهاب وعوده
٧- وثيقة تامين سفر بعدد ايام السفر
ممكن تضيف دعوة من شخص مغربي او وكاله سفر هناك هتقوي موقفك جدا المهم تاخد الاوراق دي وتطلع علي العنوان ده ١٠ شارع صلاح الدين بالزمالك من يوم الاحد الي الخميس من الساعة ٩ لحد الساعه ٤ رسوم التاشيرة ٢٢٠ درهم مغربي يعني حوالي ٣٥٠ جنيه مصري وبس كده يا معلم
#قنصل_الغلابة