رسائل وإستفسارات بشأن عدادات الكارت مسبقة الدفع

 



رسائل وإستفسارات بشأن عدادات الكارت مسبوقة الدفع .

س : أنا سبت الشقة اسبوع و لما رجعت وبعد ما شغلت الكهربا لقيت العداد فصل ٣ مرات و بيرجع بعدها ب ٥ دقائق بعد كده في المرة الرابعة فصل و مش بيشتغل تاني. إيه السبب ؟ وأعمل إيه ؟


✔️ ج : السبب : 🚫زيادة الأحمال عن التيار المقنن يؤدي إلي إنقطاع التيار .

-أول إنذار فصل الكهرباء ١٠ دقائق - يُلزم العميل تخفيض أحماله لإستمرار التيار .

-ثاني إنذار فصل نصف ساعة

-ثالث إنذار فصل تام ولابد من تشغيلة عن طريق فني من الشركة ...

⬅️ الأمر الذي يتطلب تغيير العداد ( بعداد أقصي قدرة عداد ثلاثي الأواجة )

.،وذلك بعد تصفية مديونية العداد القديم ..، وسداد الرسوم وتكاليف المقايسة المقررة ..، وتتحدد وفق القدرة المطلوبة والمقايسة الفنية.


س : أنا كارت العداد عندي مش عايز يشحن ؟ جربت أكتر من مكينة فوري ؟ إيه السبب ؟ وأعمل إيه ؟

✔️ ج : ممكن يكون أكتر من سبب :-

- الكارت عليه شحنة لم تفرغ بالعداد .( التأكد عن طريق المشترك )

- مطلوب تحديث وتنشيط الكارت ( عن طريق شركة الكهربا ) 

- الكارت تالف ( كارت بدل تالف عن طريق شركة الكهربا )

س : عندي عداد في محل والمحل مقفول بإستمرار ومفيش استهلاك ليه الرصيد اللي موجود بينقص ؟

✔️ ج : فى حالة عدم الاستهلاك (مغلق) يقوم العداد فى نهاية كل شهر بالخصم التلقائى فيما يعرف بالمقروء بصفر وقيمته 9 جنيهات شهريًا فى حالة عدم الاستهلاك.

س : كارت العداد ضاع مني ..، وللعلم الكارت ضاع وعليه شحنه لم تفرغ بالعداد؟ إيه الحل ؟

✔️ ج : كارت بدل تالف عن طريق شركة الكهربا - بتقوم بدفع قيمة الكارت الجديد طبقا للرسوم المقررة بالشركة وبيتم استخراج كارت جديد وتفعيله وبتستلمه فى دقائق معدوده.

.،كل عملية شحن بتسجل فى ذاكرة العداد برقمها وقيمتها ..، ولو ضاع الكارت وعليه شحنه لم تفرغ بالعداد بيتم استخراج كارت وعند برمجته بتسجل كل بياناتك وكذلك عمليات الشحن بأرقامها وقيمتها وعند تركيب الكارت بالعداد لو ذاكرة العداد وجدت عمليه لم تفرغ بالعداد يتم استقبالها بالعداد وتنفذ فورا.

س : النهاردة ٣ في الشهر وأنا لسه علي الشريحة الخامسة ولم ترجع علي الشريحة الأولي ؟ إيه السبب ؟ وأعمل إيه ؟ 

✔️ ج : التاريخ بالعداد مش مظبوط ويلزم تعديله ...

إشحن المرة اللي جاية بشركة الكهربا واطلب منه تعديل التاريخ ... بس اهم حاجة لما يقلب علي الشريحة الأولي عندك بالعداد ...✔️ 

س : محتاج إيصالات كهربا للمحل علشان أقدمها في مصلحه الضرائب إيه العمل ؟ وعداد المحل إتغير بكارت ؟

✔️ ج : حضرتك مع كل شحن بتستلم ايصال حرارى .، ولو محتاج ايصال تفصيلى متاح .، ولو المصلحه محتاجه بيانات العداد وتاريخ التركيب بيتم استخراج شهادة بيانات ليك.

س : العداد فصل والتيار الكهربي كمان فصل ؟ والساعة دلوقتي ٦ مساءاً شركة الكهربا قافله ؟ أعمل إيه؟

✔️ ج : أولاً : مفيش حاجة إسمها شركة الكهربا قافلة !! دوام الموظفين ورديات تستمر أربع وعشرين ساعة يومياً لإصلاح أي عطل أو خلل طارئ في الكهرباء،

حضرتك ممكن تبلغ عن العطل مباشرة للمسئولين بالوردية بالفرع أو يمكنك الإتصال ب ١٢١ وسيتم تحويلك مباشرة للوردية . وسيتم تكليف فني متخصص..   

- زيادة الأحمال عن التيار المقنن يؤدي إلي إنقطاع التيار .

- التلاعب بالعداد(روزته) يؤدي إلي إنقطاع التيار ، ويعرضك للغرامة .

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -