يوليو 31, 2021 تغير في صرف الحصص التموينية للأسر حسب عدد الأفراد بداية من الغد

 

فيزا أستراليا فيزا إلكترونية تعملها  وحدك إلكترونيا... لكن فيها تفاصيل و تقييم 

أولا تفتح حساب ، بالإيميل اسمو immiAccount في الموقع الهجرة:

https://online.immi.gov.au/lusc/login

في خطوتين، يطلبو منك الإسم و اللقب، رقم الهاتف ، الإيميل ، ثم اختار كلمة السر ، وتوافق علي الشروط 

راح يرسلولك في الإيميل رابط تفعيل الحساب ، تقوم بتفعيل الحساب.  

تدخل حسابك بالإيميل و كلمة السر التي إخترتها.  

ثانيا 

لما تدخل الحساب اذا كنت راح تقدم لطلب فيزا ، تختار New application. ثم تبدا بكتابة المعلومات و تحميل الوثائق  لي تكون وجدتهم و سكانيتهم عبر عدة مراحل في كل مرحلة ننصحك إعمل حفظ save فلو لم تكمل العملية و تخرج من الحساب تقدر تعاود تكمل تعمر وين كنت لاحق ، خاصة إذا مكنتش مجهز كل الوثائق. 

تختار أولا نوع الفيزا ، بالنسبة للسياحة راح تلقاها تحت إسم visitor رمزها subclass 600....المدة تختار بين 3 أشهر ..6 أشهر... عام... كل وحدة و السعر الخاص بها. 

 انصح أول طلب تختار 3 أو 6 أشهر 

طبعا هناك معلومات راح تملأهم كتابيا. (الإسم ، رقم الجواز.. تاريخ الميلاد..... إلخ) 

و بعض المعلومات راح يسألوك و انت تختار من القائمة. 

بالنسبة لتحميل الوثائق ، لازم تكون pdf حجم صغير لا يتعدى 3 ميقا.  تقدر تحمل وثيقة بوثيقة. مثلا بالنسبة لجواز السفر.  حمل الصفحة الاولي وحدها.. كل صفحة فيهز تأشيرة او ختم باش تثبت بلي سافرت من قبل حملها وحدها... عندك هذا الخيار من خلال + add .

بالنسبة لوثائق العمل و الإثباتات المالية ، مثل شهادة عمل أو سجل تجاري، كشف راتب... كشف حساب... الخ.. هذا حملهم باللغة الأصلية مع ترجمة بالانجليزية ، مش شرط ترجمة رسمية المهم تكون صحيحة.

ايضا يطلبو منك مخطط الرحلةplan ، كحجز الفندق... تذاكر بعض الأماكن لي حاب تزورهم من الأنترنيت .

نقطة مهمة راح تواجهكم ، راح يطلبو منك تحديد مكان لإجراء مقابلة إذا طلب منك ، راح تلقاو عدة خيارات.   تخرجلكم عمان، القاهرة... دبي.. باريس. ... لكن مش بالضرورة راح ايعيطولك..... شخصيا.

بعد ما تكمل تحمل كل الوثائق و تعمر كل المعلومات راح تروح لمرحلة الدفع ببطاقة دولية مثل فيزا أو ماستر تخلص 140 دولار أسترالي لفيزا 3 أشهر .

بعد تأكيد الدفع راح توصل فاتورة الدفع. 

و اهم شيء يوصلك رسالة s40 to provde PIDs  تزويد المعلومات البومترية.  أهم شيء تحمله الرسالة رقم التأشيرة VLN بهذا الرقم.  مثال تفتح حساب جديد في vfs 

 Australia Algiers 

 من خلال الرابط :

https://www.vfsglobal.com/Australia/algeria/

تشد موعد، المواعيد متاحة من الاحد للخميس من 8.30-13.00 فقط.  عندك مدة 14 يوم فقط بين استلام الرسالة و اخذ موعد. 

تحجز موعد، مع الرسالة  s40.  و جواز السفر فقط.  تدخل يصوروك ، يدو البصمات، تقابل كاميرا و تهدر ، يطلبوا منك إسمك و لقبك قال مثلا my name is.....  .فقط ، طبعا تخلص رسوم الخدمات كانت  6024 دج تقدر تؤكد من السعر الحالي في المركز ، يطلبو منك الصرف. 

#ملاحظة #هامة  المركز ما يشد عليك حتي ملف و لا وثيقة فقط دير الاجراءات البيومترية ،لا تدفع أي ملف ، فقط المركز لجمع المعلومات البيومترية.

بعدها تنتظر حتي يرجعولك عبر الايميل او عبر حسابك immiaccount. 

اذا اعطوك راح اجي الفيزا علي شكل ورقة pdf.   من 3 صفحات . مدة الرد بين 20-45 يوم .

حظ موفق للجميع.