PTE or IELTS ❓
السلام عليكم،
تنويه، أمامك بوست طويل 🛑
كان حد سأل قبل كدة هنا على الجروب عن الفرق بين ال IELTS و ال PTE ف قولت ارد في بوست احسن.
معلش البوست طويل شوية بس ان شاء الله يبقى مفيد، ف حاول تقراه للاخر عشان فعلا ممكن يفرق معاك لو ناوي تهاجر لاستراليا ✈🇦🇺 او تكمل دراستك برة. 🎓
ال post دة للناس اللي لسة بادئة مشوار الهجرة فقولت الحقهم بدري🏃، او الناس اللي لسة بتعاني مع ال IELTS وواقفة عند ال 6.5 في ال writing 🤕، او الناس اللي جابت ٧٧٧٧ في ال IELTS وعايزة تحسن النقط بتاعتها، واعتقد دول هيبقو في ال list تحت الخل الوفي، بعد الغول والعنقاء على طول. 😂
انا هتكلم عن الفرق بين ال PTE و ال IELTS في نقط كدة 📌
لو بالك مش طويل وبتتعصب بسرعة انا عملت حسابي
هتلاقي في النقط الطويلة ✳ خلاصة روح عليها على طول.
هحاول اغطي اهم الفروقات بين الامتحانين بموضوعية (اي كلام طبعا و هتلاقي تحيز رهيب لل PTE)
📌 طبيعة الامتحان 📑
انا هنا مش هدخل في تفاصيل الامتحان هسيب لينك لكل امتحان اللي حابب يدخل في التفاصيل، بس باختصار
الامتحانين فيهم ال Speaking و ال Writing و ال Reading و ال Listening، والامتحانين Computer based 👨💻 (متوفر paper based لحد دلوقتي في ال IELTS)📝
مع الاخذ في الاعتبار ان ال Speaking في ال IELTS لسة بتعمله مع شخص ممكن يبقى شكلك مش عاجبه او متخانق الصبح قبل ما يجيلك مع المدام و يطلعه على دماغك.
بس الاهم ان ال PTE في الحقيقة dynamic اكتر، وتحس انه quiz اكتر منه امتحان.
الامتحان ٢٠ سؤال و دة بيديك فرصة احسن تجمع درجات(هنتكلم على الموضوع دة اكتر في نقطة تانية).
✳ الخلاصة، كانك كدة بتقارن Princess Diana (PTE) ب Queen Elizabeth (IELTS)
دة اللينك بتاع شكل كل الامتحان:
https://pearsonpte.com/the-test/format/
📌 تصحيح الامتحان ✔
ال PTE تصحيحه مفهوش تدخل بشري خالص، هو software بي generate السكور بتاعك، عكس ال IELTS اللي فيه شخص هيصلحهولك.
عشان كدة النتيجة بتطلع غالبا في نفس اليوم او تاني يوم.
بس فيه ميزة تانية خطيرة في الموضوع دة 🚨
انك ممكن تستعمل templates في ال PTE تساعدك ان تقلل غلطاتك و تغطي اي مشاكل عندك في ال Language skills، غير طبعا ان مع التوتر بتاع الامتحان حتى لو مستواك كويس ممكن متقدرش تطلع احسن حاجة عندك 🤯
غير كمان كمية ال tricks التانية اللي مش هتخليك تسيب اي سؤال حتى لو معرفتش تجاوبه الا لو وانت لامم منه درجات.
⭐ بمعنى تاني، ال PTE بيديك score اكتر من مستواك الحقيقي، و دة يفسر كمية الناس اللي جابت ال ٧٩ (٨) في ال PTE بعد ما كانت بتحارب في ال ٧ في ال IELTS و مش عارفة تجيبها⭐
✳ الخلاصة، ال PTE امتحان technique اكتر منه امتحان English وسهل بشوية تدريب انك تبقى perfect 👌 فيهم، مع الاخذ في الاعتبار الاحتياج الى بعض الاساسيات في ال grammar مثلا، بس هيا حاجات بسيطة اللي هتحتاج تذاكرها ، زي ال sentences structure مثلا و ال verb tenses.
📌 توزيع الدرجات 🧮
ال PTE طريقة توزيع درجاته احسن بكتير و هتخليك متسيبش اي سؤال وايدك فاضية وبالتالي تقرب اكتر للسكور 🎯
ال PTE عبارة عن ٢٠ سؤال مختلفين وكل سؤال مش بيسمع في ال section اللي هو فيه بس، لا انت هتلاقي سؤال في ال speaking (زي ال Repeat Sentence) بيسمع في ال speaking وال listening، و التنوع الكبير في شكل الاسئلة بيخليك حتى لو في سؤال صعب عليك، ممكن تعوضه في باقي الاسئلة، و دة مش موجود في ال IELTS.
حاجة تانية تخلي ال PTE يكسب بالضربة القاضية 🥊
⬅️ عقدة الناس في ال writing اللي هيا ال essay اللي عليها اكتر من تلتين درجة ال IELTS في ال writing هتلاقي انها في ال PTE من اقل الاسئلة اللي عليها درجات، و بيتحفظلها template تخلص الدنيا، غير ان سكور ال writing جي من تقريبا ٤ اسئلة تانية غير ال essay هي ( WFD, RWFIB, SWT, SST).
📌 الاسئلة المكررة في ال PTE 🔁
ال PTE اسئلته بتتكرر، هو عبارة عن question bank بيبقى امتحانك شوية اسئلة بيجمعوهم منه، و في مصادر كتير جدا موجود فيها الاسئلة دي، بس طبعا بيتعملو update على طول، و برضه المصادر دي بيتعملها update، ف بنسبة كبيرة هتلاقي اللي بتذاكره بيجيلك منه في الامتحان، و دة اكيد هيديك ثقة و هتبقى الاسئلة دي مضمونة بالنسبة لك و يسيب ليك وقت اكتر في الاسئلة اللي اول مرة تشوفها.
📌 ال Mock Test في ال PTE 💻
انا شايف ان دي ميزة مهمة جدا في ال PTE و هي ال mock test امتحان محاكاة للامتحان الحقيقي بتاخده اونلاين وانت في البيت من Pearson (PTE) نفسهم، ودة بيديك فرصة قبل ما تحجز للامتحان انك تجرب نفسك وصلت لفين، و ايه الحاجات اللي محتاج تركز عليها لو واقع في حاجة، نفس ال software اللي هيصححلك الامتحان الحقيقي هو اللي بيصحح ال mock و تقريبا بيتكلف ٣٥ دولار للامتحان الواحد، ولو اخدت package الرقم بيقل، و في نفس الوقت هو تدريب كويس جدا على الامتحان و دي حاجة مش موجودة في ال IELTS.
📌 تحسين السكور 📊📈
سكور ال PTE بيطلعلك فيه enabling skills و communicative skills عكس ال IELTS اللي بيطلع ب communicative skills بس.
حد يقولي طيب فين الانبهار ❓🤔
هقولك،
ال enabling skills (زي ال grammar, spellling، fluency ....) مع انها مبتدخلش في ال overall score بس بتخليك (مع شوية خبرة) تعرف انت ايه السؤال اللي وقعك و محتاج تركز عليه، ف حتى مع تكرار دخولك الامتحان مش هتبقى داخل تجرب، هتبقى داخل وانت كل مرة بتشتغل على اللي وقع منك و تحسن السكور بتاعك 🎯
📍 الخلاصة 💡👌
لو عندك رفاهية الاختيار بين الامتحانين وفر وقتك و مجهودك و فلوسك و ادخل PTE، ال ٧٧٧٧ اللي ممكن تبقى حلم بالنسبة ليك في ال IELTS هتجيبها بشوية مجهود في ال PTE، غير ال ٨٨٨٨ اللي تقريبا مستحيلة في ال IELTS موضوعهم موضوع وقت في ال PTE و هيدوك ٢٠ نقطة في الهجرة واللي مش محتاج اقولك هيفرقو معاك ازاي.
بالتوفيق للجميع.
تعليقات
إرسال تعليق