واخيرا تاشيرة إيطاليا

 


واخيرا تاشيرة إيطاليا 🇮🇹 




طبعا ضغط الرسايل علي بوست تاشيرة ايطاليا السياحية والزيارة كان اكتر حاجه عشان كده كنت ماخره شوية عشان اجمع كل المعلومات بص يا سيدي طبعا المكتب الجديد كان لسه ملخبط وبيحضر نفسه بس فعليا اشتغل من اول مارس في القاهرة وقريب جدا هيفتح في الاسكندرية وبصراحه سهل جدا وتقدر انت تقدم بنفسك اولا المواعيد متاحه وبتدفعها اونلاين واللينك اهو عشان كل سال عليه




 https://eg.almaviva-visa.services




هتخش الموقع هتختار عربي او انجليزي الي يريحك وهتعمل اكونت وبعد كده هتكتب نوع التاشيرة وبياناتك وهيجبلك المعاد المتاح والساعه المتاحة وهتدفع الفلوس والمعاد هيجيلك علي الايميل او تطبعه عادي كده ده المعاد




الاوراق بقي بتاعت ايطاليا ايه 


١- الابلكيشن في خيارين ممكن تملأه اونلاين وتطبعها عادي وممكن تملأه تحمله من اللينك ده 


https://eg.almaviva-visa.servi




٢- باسبور صالح لمده ست شهور علي الاقل وتصور كل التأشيرات القديمة لو معاك تاشيرات علي الباسبور 




٣- صورتين شخصيتين خلفية بيضه 3,5 في 4,5




٤- كشف حساب بنكي اخر ست شهور 




٥- خطاب HR من الوظيفة بتاعتك او سجل تجاري وبطاقة ضريبة للناس الي عندها مشروع او اثبات قيد للطلبة




٦- شهادة تحركات اخر ٧ سنين 




٧- حجز طيران ذهاب وعودة مبدأي 




٨- حجز فندق مؤكد او خطاب دعوة من شخص في ايطاليا




٩- وثيقة تأمين سفر للشنجن بفترة رحلتك الي هتسافرها هناك




طبعا كل الاوراق دي هتبقي مترجمة انجليزي او ايطالي من مكتب معتمد وهتروح في معادك مع الاوراق الي كتبها فوق هتوديها الي مكتب almaviva الي موجود في الدقي وهتدفع سعر التاشيرة هناك ٨٠ يورو او بما يعادلها بالجنيه عادي وهتستلم الوصل وعليه رقم هتخش علي اللينك ده عشان تشوف ورقك وصل لفين 


https://eg.almaviv  




كده انا تقريبا شرحت كل حاجه اي حد عاوز مساعدة او اسئلة يكتبهالي علي  الكومنت اسف لو بتاخر في الرد بس في النهاية بحاول ارد علي كله 





تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -