تأشيرة رومانيا كاملة

 


كيف تحصل علي تاشيرة رومانيا 🇷🇴 بسهولة


مبدئيا اسف علي التاخير في رد الرسائل انهارده هشرح دوله ناس كتير جدا جدا بسالوني عليها وهي دولة رومانيا اولا دولة رومانيا من دول الاتحاد الاوربي والي تعتبر اوراقها نفس اوراق الشنجن بس قليل جدا من الناس الي مش بتعرف تقدم عليها ولا تفاصيلها عشان كده انهارده هشرح بالتفصيل ازاي تقدم عليها 


دولة رومانيا عامله نظام اليكتروني جديد عشان تستقبل الاوراق يعني مفيش مواعيد غير بالطريقة دي, الي بيحصل  انك بترفع الاوراق والبيانات علي الموقع الرسمي وبعدين هما بيحددوا الموعد وبترحلهم بالاوراق الاصلية والطريقة كالتالي بالخطوات البسيطه جدا  


اول حاجه هتخش علي الموقع ده. http://evisa.mae.ro

وبتختار اللغة الانجليزيه فوق علي اليمين وبتختار apply for visa  بعد كده بتوافق علي الشروط وبدوس next 


بتبتدي تعمل حساب بايميلك ورقم سري وبيتبعتلك رساله علي ايميلك برقم الملف الجديد بتاعك والملف بيبتدي بحرف E ورقم طويل وبعدين بتدخل الموقع تاني برقم الملف الي اتبعتلك والرقم السري وتبتدي تملاء البيانات 


بيانات عادية اولا بتختار بلدك ومكان السفارة الي في البلد الي انت مقيم فيها عشان اوراقك تروح عليها وتدرس وبتختار بعد كده نوع الفيزا وتقدر لو مش عارف انجليزي تترجم البيانات دي من مترجم جوجل الموضوع سهل جدا لاي شخص وبعد كده ترفع الاوراق وهي كاتالي 


١- صورة جواز سفر صالح لمدة ٦ شهور

٢- صوره شخصية حديثة خلفية بيضاء 

٣- كشف حساب بنكي اخر ٦ شهور 

٤- حجز فندق و حجز طيران ذهاب وعودة وخطة رحلة للاماكن او المدن الي هتزورها هناك خلال مده زيارتك  

٥- وثيقة تأمين سفر زي بتاع الشنجن صالحة بمدة الاقامة

٦- لو في دعوة شخصيه او من شركة هتقوي موقفك جدا هناك لو مفيش سيبهها فاضية

 

بس هي دي الحاجات الي مذكوره في الموقع بترجمها انجليزي لو فيها اي ورق بالعربي و بتعملها سكانر وبترفعها اما خطاب العمل HR او السجل التجاري بتسلمه في السفارة لما تاخد الموعد 

بعد كده بتكمل بقيت الملف وهي عبارة عن معلومات شخصيه وموعد السفر والاقامة والحاجات الي بتبقي في اي ابلكيشن سفر سهله جدا جدا 


وبعد كده بتعمل مراجعة للملف تاني عشان لو في اخطاء وبعدين بتدوس علي ارسال الملف للسفارة وفي اللحظة دي بتستلم ايميل بيقول ان ملفك اتبعت سفارة رومانيا للدراسه 

خلال يومين الي اسبوع بيجيلك ايميل بتحديد الموعد وبتروح باوراقك الاصليه السفارة وبتنتظر مده اخري بدراسه الورق تاني ولو تم قبول التاشيرة بتدفع رسوم التاشيرة الي هي ٨٠ يورو وبتستلم تاشيرتك 


دي باختصار خطوات تاشيرة رومانيا اتمني اكون وصلتها للناس الي بتسال عليها واي خطوات وقفت معاك اكتبها في كومنت وهحاول اجاوب عليها 


تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -