عشان محدش يسالني اسهل دولة في الشنجن وازاي اخد شنجن وليه اترفضت والكلام ده
ركزززز ونبي معايا عشان افهمك سبب رفض السفارة انت السبب فيه.. السفارة مش بتقتصدك خالص بيرفضوك عشان ورقك في حاجات غلط تعالي اقولك زي ايه
١- عشان تخلي السفارة تثق فيك يفضل تخدلك سفريتين كل سنه في دول سياحية عشان يعرفوا انك فعلا بتسافر سياحة وبتحب تسافر وكده ده سبب ممكن السفارة تثق فيك جدا ومش شرط دول شنجن
٢- متكدبش وتكتب كلام غلط في الابلكيشن يا كداب 😂 يعني كل كلمة تقولة بصدق مش تحور
٣- هو مش شرط بس بيفضل ان خطاب العمل يكون زي وظفتك الي مكتوبه في الباسبور بتبقي ثقه للسفارة
٤- ومهم جدا النقطه دي مرتبك الي بيبقي في خطاب العمل نفس المرتب الي بينزل لحسابك في البنك كل شهر ويبقي فيه حركات ومش شرط كبير ممكن يبقي في المبلغ كله في حدود ٦٠ او ٧٠ الف كابدايه مش تسيبه فاضي وفي الاخر تحط مبلغ كبير اكيد طبعا هتترفض
٥- لو متجوز وعندك أولاد قدم أنت و زوجتك من غير الأولاد لأن ده بيقوى موقفك
٦- لو هتسافر بالاولاد حط قيد المدرسة ممكن يدعم موقفكم ولو في ارض او بيت تمليك ترجمهم ووثقهم وحطهم هو مش شرط بس بيدعم ممكن
٧- يفضل من وجهت نظري تقدم علي ٨ ايام بس
دي كلها شوية حاجات تقدر تدعم موقفك وكانت عن تجارب ومش شرط لو ١٠٠ واحد ورقهم زي بعض بالظبط كلهم ياخدوا التاشيرة لا كل واحد والسفارة هي الي بتحدد بس احنا بنعمل الي علينا وبالتوفيق للجميع
اسالني في الكومنتات
#قنصل_الغلابة
تعليقات
إرسال تعليق