كيف تسافر وتتطوع وتتعلم بتكلفة محدودة واحيانا مجانا
منظمه ايزيك
هى منظمة عالمية للشباب تطور القدرات الريادية من خلال برامج الريادة الداخلية،
وتشرك الطلاب والخريجيين في البرامج التدريبية والتبادل الطلابي العالمي للشباب التى تتراوح اعمارهم من 18 عاما إلى 30 عام
وتضم عده برامج منها :
برنامج تطوعى فى معظم دول العالم بيكون مدته من 6 ل 8 اسابيع ممول جزئيا
https://aiesec.org/global-volunteer
تدريب مدفوع الاجر وبتختلف مدته حسب كل برنامج واقل فتره تدريب بتكون 3 اشهر ويحصل فيه المتدرب على اجر شهرى
https://aiesec.org/global-talent
فرصه للعمل كمعلم فى الخارج وتختلف مدته حسب كل برنامج واقل فتره هى 3 اشهر ويحصل فيها المعلم على اجر شهرى
https://aiesec.org/global-teacher
التطوع مع ايزيك
الرابطة الدولية للطلاب في الاقتصاد والأعمال، أو ما يعرف اختصاراً بالـآيزيك AIESEC منظمة عالمية للشباب تطور القدرات الريادية من خلال برامج الريادة الداخلية، وتشرك الطلاب والخريجيين في البرامج التدريبية والتبادل الطلابي العالمي للمنظمات الربحية والغير ربحية. مقرها الرئيسي في روتردام هولندا .
تعتبر ايزيك هي اكبر منظمة طلابية علي مستوي العالم هتساعدك بشكل كبير انك تطور مهاراتك وتكتسب خبرات كتير في مجالات كتير زي ال HR و PR والماركتينج
منظمة ايزيك بتأهل الشباب بشكل كبير انهم يبقوا رواد اعمال كبار عشان كدة ايزيك تعتبر اكتر مكان تقدر تسفيد منه لو انت مهتم بالاقتصاد او ريادة الاعمال او التدريب او السفر او الماركتينج او غيره من الحاجات دي.
ايزيك فيها 3 برامج هم
Global volunteer
Global Talent
Global entrepreneur
هنتكلم عن التطوع مع ايزيك وده بيكون برنامج اسمه global volunteer وده بيكون للناس من سن 18 حتي 30 سنة بس يكون معاه انجلش ع الاقل ويكون فعلا يقدر يتعامل مع الثقافات والجنسيات والعقليات المختلفة والمشاريع الموجودة في جزء التطوع ده بتكون مساهمة في حاجة اسمها Sustainable development goals وده بيكون للمم المتحدة من امثلة لمشاريع دي تعليم الاطفال والقضاء علي الجوع والمساعدة في تعليم غير المتعلمين والقضاء علي الفقر والمساهة في القضاء علي الامراض والأوبئة وهكذا
بيكون كمان في تبادل ثقافي وده هو اللي بيساعدك تتعرف علي ثقافة الدولة اللي انت فيها وثقافة المتطوعين الموجودين معك في المشروع اللي انت متطوع فيه
مدة التطوع في المشاريع مع ايزيك بتتراوح ما بين 6 حتي 12 اسبوع
مميزات السفر مع ايزيك عن غيرها من المنظمات
1. اول حاجة ايزيك بتوفرلك خطاب دعوة ليك للبلد اللي انت هتروح تتطوع فيها وده ميزة كويسة انها بتفيدك شوية في اجراءات الفيزا وهتسهل عليك جدا ودي ميزة في ايزك مش عند غيرها
2. تاني حاجة انك بتسافر مع اسم كبير ومعروف يعني مفيش خوف ده في حالة الناس اللي اهلهم بيرفضوا سفر اولادهم لكن انت مع ايزيك بتسافر تبع منظمة كبيرة مش بتكون لوحدك بيكون معاك ناس من كل الجنسيات والثقافات
3. من خلال السفر انت بتقدر تكون اصدقاء كتير من دول مختلفة ده بيوسع دائرة علاقاتك بشكل كبي رجدا
4. انت بتزور اماكن وبتعمل سياحة في دولة عمرك ما كونت تتخيل انك تزور الاماكن دي او تروح الدولة دي وتعرف ناسها وشعبها بيفكروا ازاي وعايشين ازاي
5. الناس اللي بيكونوا معاك من ايزيك وبيساعدوك بيكونوا شباب زيك زيهم يعني في قابلية انك تتكلم معاهم ويساعدوك في اي حاجة تقف قدامك
6. هم مش بيسيبوك لوحك خالص انت بيكون معاك المسؤلين في ايزيك بلدك والمسؤلين من البلد اللي انت رايحها وده بيفيدك جدا انت تستفيد من خبرات الكل
7. ازيك تقريبا في المعظم هي اللي بتتكفل بالاقامة بتاعتك والسكن اما بيكون مع عيلة بتستضيفك في بيتها او مع غرفة مشتركة مع الناس االلي معاك في المشروع
8. وجودك مع ايزيك دي فرصة بتقوي ال CV بتاعك انك دخلت منطمة زي ايزيك واشتغلت معاك فأكيد عندك خبرة في التعامل مع الناس بشكل كويس
حاجات لازم تاخد بالك منها كويس جدا
1. لازم تعرف ان مسافر عمل تطوعي يعني اكيد مش رايح تسمتع بنسبة مية في المية بالسفر
2. لازم تعرف ان الاقامة بتختلف في الاسرة اللي هتستضيفك من اسرة لاسرة لان هتلاقي اسرة بتستضيفك وتكرمك كوييس جدا وهتلاقي اسرة ليهها قوانين في البيت فلازم تسأل عن الاقامة بتاعتك كويس جدا
3. يكون معاك طرق التواصل الخاصة بمعظم الناس اللي في ايزيك من بلدك بحيث لو في اي مشكلة تقدر تتواصل معاهم كلهم او اللي تقدر توصل ليه منهم عشان مشكلتك تتحل بسرعة
4. لازم تعرف انك مسافر عمل تطوعي فانت بيكون عليك تذاكر الطيران والفيزا وبتدفع مبلغ قدره 1800 جنية ده بيكون قيمة التعاقد مع ايزيك
5. في العمل التطوعي انت مسافر فيها نسبة فقر او امية او جوع فأنت لازم تعرف انك رايح تساعد البلاد والناس اللي فيها
ادخل علي الموقع الرسمي للايزيك من هنا وهتسجل عليه وتعمل ايميل وبعد كدة تدخل تشوف المشاريع وتشوف اللي يناسبك منها وتقدم عليه وتكمل الابليكشن كويس جدا وبعدها هيكلمك حد من ايزيك يتواصل معاك ويشرحلك المطلوب منك كويس جدا وانت تقدر تسأله وتستفسر منه عن اي حاجة عايز تعرفها
#شيررر وخلي الكل يستفيد
#خليك_ايجابي :
انا جاهز
إرسال ردحذفاريد السفر الكندا
إرسال ردحذف