تأشيرة السعودية السياحية مده سنه دخول متعدد



 تأشيرة السعودية  السياحية مده سنه دخول متعدد


بعد المقال السابق عن تاشيرة السعودية ترانزيت وناس كتير كلمتني اخيرا اليوم سوف نتكلم عن التاشيرة السياحية للسعودية 

والتي مدتها سنة الي هتصدم بعض الناس شويه وبعض الشركات

 مبدايا هذه تاشيرة متعددة الدخول يعني تدخل في اي وقت انت تريده السعوديه خلال سنه وتقعد حد اقصي ٩٠ يوم


 يعني يا معلم 😂 هتروح تعمل عمره اي وقت تحبه بس  (في ماعدا موسم الحج) وكمان التاشيرة دي ملهاش محرم   


  طيب نيجي بقي لخطوات التقديم


-التقديم بيكون من خلال عمل استمارة على موقع الخارجية السعودية


https://visa.mofa.gov.sa


و سداد التأمين الطبي..


وتعمل حجز موعد في VFS ( تساهيل) 


الخطوتين دول بيكلفوك حوالي ٢٦٠٠ جنيه وممكن اي شركة تعملهملك لو مش عارف تعملهم 


الاوراق المطلوبة وانت رايح القنصلية كانك بتقدم شنجن بس علي حاجات بسيطة :


١- إستمارة إنجاز و التأمين و ورقة حجز الموعد.


٢- خطاب من جهه العمل HR أو سجل تجاري


٣- كشف حساب آخر ٦ شهور


٤- حجز فنادق في السعودية مبدأي من اي موقع اونلاين


٥- حجز طيران ذهاب و إياب مبدأي وخليك علي السعودي


٦- خط سير للرحله اعمل برنامج لبعض المدن هناك بلاش تركز علي مدينه واحدة وعادي حط انك رايح تعمل عمره


٧-هاتدفع ١٣٠٠ جنيه في مكتب تساهيل


كده اجمالي الرسوم هاتكون ٢٦٠٠ جنيه موعد و انجاز و تأمين


و ١٣٠٠ جوا المكتب يعني التأشيره هتكلفك حوالي ٤٠٠٠ جنيه  


 بعد كده هتخلص التاشيرة من القنصلية السعودية الناس هناك محترمة جداََ المهم تثبتلهم انك رايح سياحه عشان لو حاسوا انك رايح شغل هتترفض 


طبعاً لاقدر الله في حالة رفض للتاشيرة و الفلوس مش بترجع عشان كده يفضل الاوراق دي تتعمل صح 

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -