التقديم على فيزا السياحة لكندا



فيزا السياحة لكندا هي فيزا بحث عن عمل بطريقة غير مباشرة ..

طريقة التقديم عليها .. كيفاش تزيد حظوظك باش تاخوها .. شنيا المهن الي عندها حظوظ كبيرة ..

كل مايجب أن تعرفه عن الفيزا سياحة 🇨🇦 : شرح + الملف المطلوب + كيفية كتابة lettre d'invitation + نصائح هامة وأخطاء لا يجب الوقوع فيها


معلومات عامة


♦️♦️أولا وقبل الحديث عن الفيزا لازمكم تفهمو شيء مهم جدا. كندا بلاد الفرص، صعب شوية أنك تدخلها، ولكن كي تدخلها كل شي يولي ساهل. يعني ألقى الحل برك كيفاه تدخل إلى كندا ومن بعد الحلول كاينين إن شاء الله.


🔴فيزا سياحة: هي من بين الحلول السهلة نوعا ما والسريعة لفئة معينة من الأشخاص. ماشي ڤاع تصلحلهم فيزا سياحة.

🔴 باش تكون انت من الفئة هذي لازم تكون:

✅ خدام عند الدولة أو عند خاص او عند روحك... المهم تكون وضعيتك قانونية يعني مديكلاري وعندك assurance

✅ من الأحسن تكون متزوج وإذا كان عندك أطفال أحسن وأحسن. راني قلت من الأحسن يعني ماشي إجباري👍

 ✅ من الأحسن تكون عندك منزل او شقة أو قطعة أرض أو محل باسمك (السيارة لا تحسب). راني قلت من الأحسن يعني ماشي إجباري 👍

✅يكون عندك رصيد في البنك بالدينار أو بالأورو أو بالدولار... ويكون عندك إيسطوريك تاع حساب على الأقل ثلاث أشهر. يعني فيه موفمو (دراهم داخلين وخارجين في الحساب)

✅ من الأحسن يكون عندك قريبك (أخوك أختك عمك خالك عمتك...) يديرلك lettre d'invitation. راني قلت من الأحسن يعني ماشي إجباري 👍

▪️في lettre d'invitation يكتب فيها انك راح تجي عندو وتبات عندو وتاكل وتشرب عندو ويحط المدة تاع الزيارة وتاريخ الزيارة و من الأحسن مدة الزيارة تكون 15 يوم وتكون بعيدة شوية مثلا من 1 أكتوبر إلى غاية 15 أكتوبر 2022.

▪️هاذ lettre d'Invitation يكتبها بالميكرو ويمضي عليها وفقط، ماشي شرط يروح يكاشيها فالبلدية. 

▪️كندا كي تعطيك الفيزا تعطيهالك من الآن إلى غاية تاريخ انتهاء الباسبور تاعك. ومنين تحب تطلع أطلع ومنين تحب تهبط أهبط ماشي شرط تسنا حتى 1 أكتوبر وتخرج من كندا 15 أكتوبر.

✅ لي ماعندوش قريبو في كندا يدير Réservation d'hôtel

🔴 لازم عون الهجرة يقنع صح بلي راك رايح سياحة وترجع لبلادك، ولهذا قلت من الاحسن لازمك دار باسمك، ومن الاحسن تكون متزوج والفيزا ديرها ليك وحدك باه يقنع بلي راك رايح تحوس وترجع لعائلتك


أخطاء لا يجب الوقوع فيها نصائح  مهمة فيما يخص Visa Touristique 

⛔كي تدفع فيزا سياحة لكندا خليك من العقلية تاع مزروب، يعني تدفعها اليوم وتقلو حاب نجي لكندا منا على شهر‼️وكذلك كي يعطوك الفيزا خليك من تشري تذكرة سفر في الطائرة وتاريخ العودة يكون بعد أربعة أشهر‼️ لازمك تفكر كيما السائح ماشي كيما المحارب، والسائح لا يبقى في مكان السياحة 4 أشهر‼️

🔴نظم روحك ونظم أمورك. لازم الملف يكون مدروس مليح وحتى الوقت لي حاب تجي فيه لكندا اختاروا بعناية. يعني يمكنك دفع الملف الآن، ولكن الزيارة تكون في شهر جويلية أو أوت مثلا.  

🔴مدة الزيارة في الملف من الأحسن تكون من أسبوعين إلى شهر

🔴كي تشري تذكرة الطائرة عند المجيئ إلى كندا من الأحسن أن يكون تاريخ العودة إلى الجزائر في ظرف شهر او أقل. مثلا تجي 15 فيفري وترجع 15 مارس. 

🔴الفيزا كي يعطوهالك تبدأ منذ اليوم لي تحصلت عليها وتكون غالبا مدة صلاحيتها بنفس مدة صلاحية جواز سفرك. ويمكنك المجيء إلى كندا في أي وقت تريد، يعني ماشي شرط تجي في جويلية او أوت. قادر تجي في فيفري أو سبتمبر او..... يمكنك المجيء في أي وقت تريد



lettre d'invitation 


#Lettre_dinvitation 🇨🇦 

pour #Visa_Touristique 

الناس لي عندها حبابها في كندا وحابة ديرلهم lettre d'invitation من أجل فيزا سياحة هاهو المطلوب👇👇


🔴رسالة يكتبها بالميكرو ويحط فيها المعلومات التالية:

▪️المرسل: اسم ولقب ورقم هاتف و البريد الالكتروني وعنوان المرسل، بالإضافة إلى وضعيته في كندا(مقيم دائم أو جنسية كندية أو طالب)

▪️المرسل إليه: اسم ولقب وتاريخ ميلاد وعنوان المرسل إليه وقرابته بك (خوك، ولد عمك، صاحبك...)

▪️مدة الإقامة (من الأحسن 15 يوم) وتاريخ الزيارة (من الأحسن يحط التاريخ في الصيف)

▪️الهدف من الزيارة (أكيد سياحية بصح زيد بلعط)

▪️يقول في الرسالة أنه ستكفل بإيوائك مع الأكل والشرب باللإضافة إلى المصاريف الأخرى الطارئة

▪️الرسالة يمبريميها ويمضيها بيدو(ماشي لازم يديها للبلدية يكاشيها، ولكان حب يزيد يكاشيها يروح يكاشيها) ويسكانيها ويبعتهالك عبر الإيميل

▪️يبعتلك معا الرسالة صورة على الباسبور أو الإقامة الدائمة أو permis de travail

▪️كذلك يبعتلك les 3 dernières fiche de paie (إذا كان يعمل)

▪️كذلك يبعتلك شهادة عمل تاعو (إذاكان يعمل)

يبعتلك هذو كامل فالإيميل. 



الملف المطلوب في الفيزا سياحة

Dossier à fournir Pour #Visa_Touristique : 

ملف #فيزا_سياحة:


1) passeport en cours de validité 

ℹ️جواز سفر ساري المفعول

2) une copie de tous les pages du passeport

ℹ️ صورة عن جميع الصفحات الموجودة في جواز السفر 

3) réservation d'hôtel ou invitation d'un membre de la famille

ℹ️ شهادة حجز في الفندق أو دعوة من عند قريب في كندا 

4) 

✅pour les salariés :   

ℹ️   بالنسبة للعاملين والأجراء  

•attestation de travail

ℹ️ شهادة عمل

•3 dernières fiches de paie

ℹ️ ثلاث شهادات أجرة

• Affiliation CNAS 

ℹ️شهادة الانتساب للتأمين 


✅Pour les commerçants : 

ℹ️بالنسبة للتجار

•Registre de commerce ou agrément 

ℹ️سجل تجاري

•l'affiliation Casnos

ℹ️شهادة الانتساب للتأمين

• C20

ℹ️ ورقة الضرائب


✅pour les étudiants:

ℹ️ بالنسبة للطلبة

• Certificat de scolarité 

ℹ️شهادة مدرسية

• justification d'avoir la somme de 4000 euro ou plus (un garant, attestation de solde du garant...)


ℹ️شهادة تثبت حيازتك على مبلغ 4000 أورو أو أكثر  مع توضيح من أين جئت بالمبلغ (ضامن، ورقة حساب الضامن من البنك....)

5) Relevé bancaire à partir de 4000€ ou l'équivalent en Dinars

ℹ️شهادة رصيد من البنك تثبت حيازتك على 4000 أورو أو أكثر. أو حوالي 60 مليون سنتيم

6) Si vous en avez, un acte de propriété d'un bien Immobilier (maison ou terrain...). 

ℹ️شهادة ممتلكات إن وجدت

7) photo d'identité 

ℹ️صورة شمسية

8 ) assurance de voyage

ℹ️ شهادة تأمين على السفر

9) réservation de billlet d'avion (pas obligatoire) ℹ️حجز تذكرة سفر في الطائرة (ليس إجباري)

10) Formulaires remplis

ℹ️ملأ الاستمارات

بالتوفيق للجمي

#كندا_للجميع

#visa_touristique

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -