ازاي تسافر ببلاش علي حساب مؤسسات عالمية

 


ازاي تسافر ببلاش علي حساب مؤسسات عالميه 


بتسمع كثير عن ورشه عمل مموله بالكامل 3 ايام ف بلد فلان .. معرض ممول بالكامل ف بلد علان 5 ايام .. تدريب ممول بالكامل في بلد ترتان لمدة اسبوع .. الخ 


النوعيه دي كانت سبب ف سفر ناس كثييييييييير جدا معاهمش ولا مليم للسفر بس كان معاهم حاجات اهم من الفلوس يقدموها 


معاهم Skills و Qualifications معينه بتخلي الجهات المانحه تديهم الفرصه لأنهم يستفيدوا ويفيدوا وكله Full Funded 


المنح دي مدتها قصيرة جدا .. بتبدأ من 3 ايام و اسبوع و شهر وشهرين .. و اقصي مده ليها بتكون سنه 


المنح دي مش منح اكاديميه .. يعني مش بتحتاج اي تقديرات او اي درجات نهاائي يعني ال جايب مقبول حتي بيكون له فرصه 


دي اغلبها تبادل ثقافي , اغلبها بتكون ف مجالات اللغات والترجمه والرياضه والتكنولوجيا و القيادة المجتمعيه ( الليدرشيب ) والفن والثقافه والادب .. الخ 


المنح دي بتعتمد ع 4 حاجات رئيسيه جدا 


1- خطاب الدافع ( Motivation Letter ) وفيها بتتكلم عن ايه اسبابك ودوافعك انك عايز تاخد الفرصه دي بالذات .. وبتجاوب ع سؤال  ليه الجهه المانحه يختاروك انت بالذات 


2- خطابات التوصيه ( Recommendation letter )


ودي خطابات بيكتبوها ناس بتشتغل معاهم أو بتدرس معاهم أو بتتطوع معاهم ويعرفوا مميزاتك وعيوبك كويس  وبيقدموا التوصيه دي للجهه المانحه


3- الانشطه التطوعيه خصوصا ( المجتمعيه ) اللي قدمتها ف بلدك مع مؤسسات مختلفه  واللي بسببها بتكون مًفضل عن باقي الملايين ف بلدك 


4- اللغات اللي عندك ( خصوصا اللغات ال مش مشهورة ) بتدي افضليه كبيرة جدا ليك في النوعيه دي بالذات من المنح 


و جوجل مخلاش حد نفسه ف حاجه .. عايز تتعلم ازاي تكتب خطاب توصيه أو دافع أو ازاي تتعلم لغات أو حتي تتطوع كل دة موجود ع جوجل بسيرش 10 ثواني هتلاقي كل ما لذ وطاب 


طيب اجيب المنح دي ازاي؟


فيه 3 مواقع عالميه بتقدر تسيرش فيهم عن الفرص دي وهما 


InternshipFinder 


Idealist 


GlobalExperiences 


كمان السفارات المختلفه زي سفاره امريكا وبريطانيا واندونيسيا  الخ بتعلن عن النوع دة من المنح كل فتره ع صفحاتهم  ع الفيسبوك وتويتر 


المنح القصيرة دي موجودة ف كل بلاد العالم .. وقسما بالله فيه ناس عايشه عليها وبيسافروا كل شهر بلد مختلفه ببلاش ع حساب المؤسسات دي بس عشان توصل للمرحله دي لازم تسأل نفسك : 


 انا عندي ايه اقدمه عشان يختاروني انا بالذات للمنح دي ؟ اجابتك ع السؤال دة هو 90% من سفرك ببلاش .. ودة السفر ابو بلاش الحقيقي مش الضحك ع الدقون 


تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -