بدا العد التنازلي لاصدار بطاقه الفرصة Chancenkarte واللي تم فعليا بدايته من 1/6/2024 وده يبقي كارت زي اقامة مؤقتة لمده سنه في المانيا تقدر تقعد قانوني وتبحث عن عمل في اي مكان في المانيا
والجديد بقي انك تقدر تشتغل بدوام جزئي لمده ٢٠ ساعه في الاسبوع قانوني لحد لما تلاقي شغل الكارت ده يعتبر اول كارت هيعتمد علي التقديم المباشر من الشخص الي السفارة علي طول وطبعا اعداد الكروت مفتوحه مش بعدد معين والاجراءات هتبقي مبسطه جدا
هيعتمدوا علي نظام النقط وهيبقي كالتالي في الشروط
اهم جزء بقي ايه هي الشروط
1- يكون عندك دراسه مهنيه او جامعيا معترف بيها في بلدك ويتم توثيقها من سفارة المانيا التابعه لبلدك
2- خبرتك في مجال تعليمك كل ما الخبرة في مجال تعليمك هتبقي كبيرة كل ما النقط هتبقي اكبر
3- اللغه الالمانيه عامل مهم وتعتبر اولويه وهتزيد من النقط والقبول لازم يكون معاك A1 الماني او B2 انجليزي وهيبقي من معاهد موثقه من قبل السفارة الالمانيه
4- القدرة الماليه طبعا بما انك هتقعد سنه فلازم يكون في حساب بنكي علي الاقل بما يعادل 11 الف يورو عشان بس تثبت خلال الفتره دي هتعيش ازاي وممكن والدك او اي شخص من الاسره يساعدك في تقديم تفويض انه يقدم حسابه او ممكن تتفق مع اي صاحب عمل هناك انك هتقدم علي الكارت وهتشتغل معاه ٢٠ ساعه اسبوعيا وسعتها ممكن المبلغ ده يتبدل بالعقد المبداي
طبعا اخيرا عامل السن ده مهم يعني كل ما سنك اقل من ٣٥ سنه بيبقي فرصتك اكتر بكتير ونقطك اكتر
انا سايب الموقع الرسمي اللي هيساعدك في التقديم ولازم عشان تقدم علي الكارت ده يكون كل الشروط الي قلتها مناسبه ليك وبالتوفيق للجميع
الموقع الرسمي للتقديم