برنامج تأشيرة هجرة التنوع أو الهجرة العشوائية هو قرعة سنوية للحصول على رخصة الإقامة الدائمة والمعروفة بإسم البطاقة الخضراء (بالإنجليزية: Green Card) في الولايات المتحدة الأمريكية بتفويض من الكونغرس وتديره وزارة الخارجية الأمريكية.
هو برنامج ينظم في كل عام، وتمنح حكومة الولايات المتحدة الأمريكية 50,000 تأشيرة فيزا للأفراد من الدول المؤهلة أى الدولة المسموح لأفرادها بالتقديم على القرعة لنفس العام للمشاركة من أجل العمل أوالدراسة أو العيش في الولايات المتحدة الأمريكية وذلك ضمن برنامج الهجرة العشوائي للحصول على البطاقة الدائمة الجرين كارد.
اعرف اذا كنت مؤهل للدخول فى قرعة الهجرة الى الولايات المتحدة الامريكية ؟
سؤال وجواب عن الهجرة إلى أمريكا
س: قدمت لوتري والموبايل اللي عليه الجي ميل اتسرق اعمل ايه ؟!
ج : مش مشكله اهم حاجه يكون معاك الكونفرميشن نمبر ولو فوزت ابقا اعمل جي ميل جديد .
س : هل مطلوب حساب بنكي للشخص الفايز من مصر ؟
ج : مش مطلوب منك ولا حساب بنكي ولا ضامن لو انت مصري وعملت المقابله ف مصر .
س : انا مصري بس عايش في الخليج اعمل المقابله فين ؟
ج : تعملها ف مصر أفضل عشان مش يتطلب منك ضامن او اثبات المقدره الماليه .
س: قدمت اني متزوج ومش كان فيه وجود أطفال وربنا كرمني بمولود اعمل إيه لو فوزت ؟
ج : الف مبروك بمناسبة المولود الجديد ومش تقلق خالص وبعد الفوز ابقا ضيف المولد الجديد في استمارة ال DS260 وهيسافر معاكم عادي جدا.
س : انا قدمت والباسبور بتاعي هينتهي قبل شهر مايو اعمل ايه لو فوزت ؟!
ج : اعمل واحد جديد وخلي القديم معاك برضو ومفيش اي مشاكل.
س : هو انا لو فوزت أمريكا هتوفرلي سكن و شغل و.و.و.و.و؟!؟
ج : أمريكا بتديلك التأشيره فقط عاي باسبورك وانت المسؤل عن الشغل والسكن و تذاكر الطيران ...و.و.و.و.
س : طاب المصاريف كام لحد ما اوصل أمريكا؟!
ج : بتختلف من شخص سنجل ل متزوج بس تقريبا الشخص الواحد بيتكلف من 35.000 جنيه مصري وقابل للزياده ( نلاحظ قولت تقريبا يعني مش رقم اساسي)
س : طاب انا قدمت سنجل واتجوزت قبل ظهور النتيجه ولقيت نفسي فايز ، هل اقدر اخد زوجتي معايا؟
ج: اه تقدر تاخدها معاك وهضيفها في استمارة ال ds260.
س : ايه أفضل ولايه لمهاجر جديد ؟
ج : لو تعرف شخص ف امريكا وهيقدر يساعدك يبقا بالنسبه ليك الولايه اللي هو عايش فيها هتبقا أفضل ولايه بالنسبه ليك لحد ما تاخد فكره عن البلد بعد كدا وابقا قرر بنفسك ايه أفضل ولايه بالنسبه ليك .
س : طاب ايه هي أفضل أو أرخص ولايه ف امريكا؟
ج : مفيش حاجه اسمها كدا عشان لو كان فيه كدا فعلا هتلاقي الأمريكان نفسهم سابو كل الولايات وعاشو ف الولايه دي .
س : انا شايف فيه أرقام ونشرات بتنزل كل شويه وانا مش فاهم حاجة ولسه مقدم السنه اللي فاتت؟!
ج : النشرات والأرقام دي خاصه بالناس الفايزين قبل كدا يعني مطلوب منك ترتاح وتصبر لحد شهر مايو.
س : هو النتيجه هتظهر يوم كام ف شهر مايو ؟
ج : هتظهر في اوائل مايو يعني ممكن يوم 7 او يوم 6 .
س : انا فوزت ف اللوتري ومعايا أسره وانا الفايز الأساسي هل ضروري نسافر كلنا ؟!
ج: صلاحية الفيزا اللي بتاخدها من السفاره بتكون 6 شهور من وقت الكشف الطبي ، يعني حضرتك ممكن تسافر الأول لحد ماتظبط امورك وتجمع سكن وشغل وهما يحصلوك بعد كدا ف خلال ال 6 شهور الي هي مدة صلاحية الفيزا .
س : هو انا لو فوزت السفاره هتتصل بيا او إدارة الهجره؟
ج : لو فوزت مش بيكون فيه أي تعامل بينك وبين السفاره لأن مرحلة السفاره دي بتكون آخر مرحله ، إدارة الهجره برضو مش بتتصل بحد نهائيا والتعامل كلو بيكون عن طريق الإيميل فقط. ولو فوزت مش شوفت النتيجه بنفسك محدش هيتصل بيك ولا هيعرفك اي حاجه.
س : هو كم عدد التأشيرات الممنوحه لمصر من اللوتري ؟
ج: تقريبا 5000 تأشيره ودا معناه انه الرقم دا ممكن ينزل ل أقل من كدا علي حسب عدد الأشخاص المتقدمين. يعني لو شخص سنجل فايز بيتحسبلو تأشيره واحده فقط ،ولو شخص متزوج ومعاه ولد وبنت مثلا يبقا كدا الأسره دي لوحدها خدت 4 تأشيرات وبكدا ال 4 تأشيرات دول هيتخصمو من ال 5000 تأشيره .يبقا كدا أسره لوحدها اخدت 4 تأشيرات وهكذا..
س : هل فرصة الفوز للي معاه 20 ماجستير و 50 دكتوراه بتكون أكبر؟
ج : الاختيار بيكون عشوائي جدا ومفيش اي فرق بين واحد مؤهل عالي و واحد مؤهل متوسط او فوق المتوسط .
س: طاب هل اللغه شرط أساسي في القبول وينفع اخلي المقابله مع القنصل بالعربي ؟
ج : اللغه مش شرط نهائيا وممكن جدا تخلي المقابله بالعربي
اقرأ أيضا الموضوعات التالية عن طريق الضغط على أي موضوع تريده